معروف اداکارہ نازش جہانگیر نے مومن ثاقب کے شو حد کر دی میں شرکت کی ، اس میں انہوں نے کہا کہ میری والدہ خوبصورتی کی دیوانی تھیں، وہ سکیچ بنایا کرتی تھیں کہ ان کو کیسا داماد چاہیے، وہ کہا کرتی تھیں کہ میں بھی بہت خوبصورت ہوں اور انکی بہت خواہش تھی کہ وہ میری شادی کریں اور میرے بچوںکے ساتھ کھیلیں. انہوں نے کہا کہ میری والدہ اگر آج حیات ہوتیں تو میری شادی کافی سال پہلے ہو چکی ہوتی اور اس وقت میرے بچے بھی ہوتے جو کہ اس انٹرویو میں میرے ساتھ بیٹھے ہوتے. انہوں نے کہا کہ میں اپنی شادی کے معاملے میںبہت زیادہ نہیں سوچتی .
”میرا یقین ہے کہ جب ہونی ہو گی ہوجائے گی”. نازش جہانگیر نے کہا کہ میری توجہ فی الوقت اپنے کام اور کیرئیر بنانے پر ہے. میں بھرپور کوشش کرتی ہوں کہ میں ایسا کام کروں جو شائقین کو پسند آئے. میں نے کبھی یہ نہیں دیکھا کہ کردار ہیروئین کا ہے یا ثانوی کردار ہے. میں بس یہ دیکھتی ہوں کہ جو کردار مجھے آفر کیا جا رہا ہے اس میں اداکاری کی کتنی گنجائش ہے. یاد رہے کہ نازش جہانگیر ڈراموں کے ساتھ ساتھ ماڈلنگ بھی کرتی ہیں اور ایک بڑی فین فالونگ رکھتی ہیں.