آئندہ انتخابات 90 دن کے اندر ہونے چاہئیں. سربراہ بلوچستان نیشنل پارٹی

بلوچستان نیشنل پارٹی کے سربراہ سردار اختر مینگل نے کہا ہے کہ آئندہ انتخابات 90 دن کے اندر ہونے چاہئیں، ایک دن کی بھی تاخیر ہو تو الیکشن کمیشن پر آرٹیکل 6 نافذ ہوگا جبکہ کوئٹہ میں اپنی رہائش گاہ پر پریس کانفرنس کرتے ہوئے سابق رکن قومی اسمبلی سردار اختر مینگل کا کہنا تھا کہ اب تک یہ معلوم نہیں کہ انتخابات ہوں گے یا نہیں، اگر الیکشن ہوئے تو کب ہوں گے لیکن ایک دن کی بھی تاخیر ہوئی تو الیکشن کمیشن پر آرٹیکل 6 کا نفاذ ہوگا۔

خیال رہے کہ سربراہ بلوچستان نیشنل پارٹی نے کہا کہ مہنگائی، معاشی بحران اور دیگر معاملات میں لاپتہ افراد کا معاملہ بڑا ایشو ہے جبکہ انہوں نے مزید کہا کہ لاپتہ افراد کے معاملے پر آج تک سنجیدگی سے غور نہیں کیا گیا اگر لاپتہ افراد بازیاب ہو جائیں تو یہی بی این پی کی سب سے بڑی کامیابی ہوگی۔

علاوہ ازیں ان کا کہنا تھا کہ گورنر بلوچستان کا تعلق بی این پی سے ہے لیکن ہم نے کبھی استعفیٰ دینے کا نہیں کہا ، صوبے کی سیاست میں تعلیم یافتہ سوچ کو آگے آنا ہوگا، اختر مینگل کا کہنا تھا جنرل مشرف کے وقت سے بی این پی مینگل واضح مؤقف رکھتی ہے ، جس کی وجہ سے ہم ہمیشہ نقصان بھی اٹھاتے رہے ہیں لیکن پیچھے نہیں ہٹیں گے۔
مزید یہ بھی پڑھیں؛
سی ٹی ڈی کی کاروائی،سات مبینہ دہشتگرد گرفتار
ہیلی کاپٹر حادثے پر بہت دکھ ہوا،اللہ تعالی شہدا کے درجات بلند کرے، نواز شریف
اگلے 10 دن اہم،بازی پلٹ گئی،نواز شریف،مریم پر ریڈ لائن ختم، بڑی تیاریاں شروع
اوپن مارکیٹ؛ ڈالر 331 روپے کی بلند ترین سطح پر پہنچ گیا

سربراہ بلوچستان نیشنل پارٹی کی پریس کانفرنس میں سینیر ایڈووکیٹ ابراہیم لہڑی نے پارٹی میں غیر مشروط شمولیت کا اعلان کیا۔