عمران خان کو عدالت پیشی کی درخواست پر جواب طلب

ڈسٹرکٹ اینڈ سیشن کورٹ میں عمران خان اور دیگر کے خلاف لانگ مارچ توڑ پھوڑ پر درج 2 مقدمات کی سماعت ہوئی۔

جج احتشام عالم نے کیس کی سماعت کی ،سول جج احتشام عالم کی عدالت میں عمران خان کے وکیل نعیم پنجوتھا پیش ہوئے۔ عمران خان کو عدالت میں پیش کرنے اور درخواستِ بریت دائر کی گئی، عمران خان کے وکیل نعیم پنجوتھا نے عدالت میں کہا کہ دستاویزات، ثبوت عمران خان کی کی موجودگی میں فراہم کیے جائیں عمران خان کی غیر موجودگی میں فئیر ٹرائل آگے نہیں چل سکتا عمران خان کی غیر قانونی گرفتاری ہوئی، سائفرکیس میں اٹک جیل قید ہیں سپرٹنڈنٹ اٹک جیل کو چیئرمین پی ٹی آئی کو عدالت پیش کرنے کا حکم دیا جائے

جج احتشام عالم نے عمران خان کی عدالت پروڈکشن کی درخواست پر فیصلہ محفوظ کرلیا تھا جو اب سنا دیا گیا ہے،عدالت نے محفوظ فیصلہ سناتے ہوئے فریقین کو نوٹسز جاری کر دیئے عدالت نے دونوں درخواستوں میں فریقین کو جواب 16 نومبر تک جمع کرانے کا حکم دیا اور کیس کی سماعت ملتوی کر دی

شریکِ ملزمان علی محمد خان، مراد سعیدشاہ فرمان کی درخواست استثنا دائر کردی گئیں ،وکیل نعیم پنجوتھا نے کہا کہ پاکستان بار کونسل کی جانب سے آج ملک بھر میں ہڑتال ہے

جج احتشام عالم نے ریمارکس دیتے ہوئے کہا کہ میں کسی ہڑتال کو نہیں مانتا، کیسز کی سماعت قانون کے مطابق کی جائے گی شریک ملزمان کی استثنیٰ کیوں منظور کروں وجہ بتائیں ؟ وکیل نعیم پنجوتھا نے کہا کہ شریک ملزمان پر لاتعداد کیسز، ایم پی او آرڈر میں گرفتاریاں جاری ہیں،آج درخواستِ استثنیٰ منظور کرلیں،آئندہ سماعت سے قبل حفاظتی ضمانت لے کر پیش ہوں گے ،دوران سماعت وکیل نعیم پنجوتھا نے سپریم کورٹ اور ہائیکورٹ کے فیصلوں کا حوالہ دیا ،جج احتشام عالم نے ریمارکس دیتے ہوئے کہا کہ سپریم کورٹ، ہائیکورٹ کا اپنا معاملہ ہے میں اپنے مطابق دیکھوں گا ،وکیل نعیم پنجوتھا نے کہا کہ شاہ فرمان نے پشاور سےآنا ہے، تھوڑا سا وقت درکار ہے ،جج احتشام عالم نے 12 بجے تک شریک ملزمان کو عدالت پیش ہونے کا وقت دے دیا۔

یاد رہے کہ پی ٹی آئی وکیل نعیم پنجوتھا نے چیئرمین پی ٹی آئی کو اٹک جیل سے عدالت پیش کرنے کی درخواست دائر کر رکھی ہے

جو نقشے عدالت میں پیش کئے گئے وہ سب جعلی،یہ سب ملے ہوئے ہیں، مارگلہ ہلز کیس میں چیف جسٹس کے ریمارکس

نور مقدم قتل کیس، ظاہر جعفر پر ایک اور مقدمہ درج

مارگلہ کی پہاڑیوں پر تعمیرات پر پابندی عائد

ایف نائن پارک میں شہری پر حملے کا مقدمہ تھانہ مارگلہ میں درج کر لیا گیا