حواکی ایک اور بیٹی پر ظلم کے پہاڑ توڑ دیئے گئے ، کون ہے یہ حوا کی بیٹی اور کیا ہوا ؟

ملتان :ایک اور حوا کی بیٹی پر ظلم کی انتہا ، مبینہ طور پر گھر سے جانے والی خاتون کی گھر میں ہی پنچایت لگ گئی،سسر اور والد نے مل کر خاتون کے سر کے بال کاٹ دئیے ۔ملتان پولیس نے بروقت کارروائی کرتے ہوئے لڑکی کے والد حبیب ، بھائی حنیف اور سسرغلام فرید کو گرفتار کیا دوسری طرف خاتون کے سسر والد اور شوہر نے اس بات کا اعترا ف کرتے ہوئے کہا ہےکہ وہ اپنے اس عمل پر بالکل شرمندہ نہیں ہیں

ذرائع کے مطابق صوبہ پنجاب کے شہر ملتان کے علاقہ تھانہ بستی ملوک میں خاتون پر تشدد کا ایک اور واقعہ پیش آیا، پنجائیت نے کوثربی بی پر تشدد کرکے اس کے سر کے بال بھی کاٹ دیئے اورگنجا کردیا ، کوثر بی بی چار بچوں کی ماں ہے، پنجائیت میں یہ بات بھی سامنے آئی کہ خاتون کے کسی کے ساتھ ناجائزتعلقات ہیں،

جبکہ ان الزامات کو مسترد کرتے ہوئے متاثرہ خاتون کا کہناتھا کہ گھریلو جھگڑا ہواجس پر میرا منہ کالا کیا اور سر کے بال مونڈھ دیئے گئے،متاثرہ خاتون کے سر کے بال مونڈھنے والے ملزمان کو گرفتار کر لیا گیا، خاتون نے حصول انصاف کے لئے وزیراعلیٰ پنجاب سے مدد کی اپیل کی۔