القادر ٹرسٹ 190 ملین پاؤنڈ کیس ،گزشتہ سماعت کا تحریری حکمنامہ جاری
احتساب عدالت اسلام آباد،190ملین پاؤنڈ سکینڈل میں چیئرمین پی ٹی آئی کے جسمانی ریمانڈ میں توسیع کا تحریری حکم نامہ جاری کر دیا گیا
احتساب عدالت کےجج محمد بشیر نے5صفحات پر مشتمل حکمنانہ جاری کیا۔حکمنامہ میں کہا گیا کہ ڈپٹی پراسیکیوٹرجنرل نیب سردارمظفر عباسی نے مزید10 روزہ جسمانی ریمانڈ کی درخواست دی۔نیب نے بتایاعلی ظفر ایڈووکیٹ نیب کی طلبی پر23 نومبر کو نیب دفتر پیش ہوئے۔نیب نے بتایاعلی ظفرایڈووکیٹ نے متعلقہ ریکارڈ نیب کوفراہم کیا۔نیب نے بتایاعلی ظفر نے24مارچ2021ء کے معاہدہ کا ریکارڈ بھی نیب کو فراہم کیا۔نیب حکام نےکہا قومی خزانے کو منتقل ہونے والی رقم سے متعلق تفتیش کرناہے۔نیب نے کہاتفتیش کو مکمل کرکے کیس کو حتمی نتیجے تک پہنچا نے مزید ریمانڈ درکارہے۔وکلاء صفائی نے مزید ریمانڈ کی مخالفت کی اور دو لیٹر پیش کیے۔ایک لیٹر6نومبر2019ء کا مشرق بنک سے متعلق ہے۔وکلاء نے کہاکہ چیئرمین پی ٹی آئی کا رقم منتقلی سے کوئی سروکار نہیں۔وکلاء نے کہاچیئرمین پی ٹی آئی کا 240 کنال اراضی منتقلی سے بھی کوئی سروکار نہیں ہے۔وکلاء نے کہاچیئرمین پی ٹی آئی نے دوکینسر ہسپتال بنوائے تیسرا کراچی میں بن رہا ہے۔نیب حکام نےکہاکہ علی ظفر کی جانب سے فراہم کیے گئے ریکارڈ کی جانچ پڑتال کیلئے ریمانڈ ضروری ہے۔عدالت10کی بجائے4 روزہ جسمانی ریمانڈ منظور کرتی ہے۔چیئرمین پی ٹی آئی کو27نومبر کو دوبارہ عدالت پیش کیاجائے۔
دوسری جانب القادر ٹرسٹ پراپرٹی 190 ملین پاؤنڈ میں پی ٹی آئی چیئرمین عمران خان سے تفتیش کا معاملہ،ایڈیشنل ڈائریکٹر نیب وقار احمد تفتیش کے لیے اڈیالہ جیل پہنچ گئے، وقار احمد پی ٹی آئی چیرمین سے اڈیالہ جیل میں تفتیش کریں گے، نیب ٹیم 15 نومبر سے روانہ کی بنیاد پر اڈیالہ جیل میں پی ٹی آئی چیرمین سے تفتیش کر رہی ہے،
واضح رہے کہ عمران خان کو توشہ خانہ کیس میں عدالت نے سزا سنائی تھی،عمران خان کو زمان پارک سے گرفتار کر کے اٹک جیل منتقل کیا گیا تھا، اسلام آبادہائیکورٹ نے عمران خان کی سزا معطل کی تو عمران خان کو سائفر کیس میں گرفتار کر لیا گیا، عمران خان اب اڈیالہ جیل میں ہیں، سائفر کیس میں عمران خان پر فرد جرم عائد ہو چکی ہے تا ہم اسلام آباد ہائیکورٹ نے جیل ٹرائل کو کالعدم قرار دیا ہے، آج عدالت نے عمران خان کو پیش کرنے کا بھی حکم دیا ہے،سائفر کیس کی سماعت اب جیل میں نہیں ہو گی.
عمران خان کی گرفتاری کو اعلیٰ عدالت میں چیلنج کرنے کا اعلان
عمران خان کی گرفتاری کیسے ہوئی؟
چئیرمین پی ٹی آئی کا صادق اور امین ہونے کا سرٹیفیکیٹ جعلی ثابت ہوگیا
