کوئٹہ:عوامی نیشنل پارٹی کے رہنما ملک اسرار ترین اپنے ساتھیوں سیمت مسلم لیگ ن میں شامل ہو گئے-
باغی ٹی وی:کوئٹہ پریس کلب میں سابق صوبائی وزیر نور محمد دمڑ کے ہمراہ مسلم لیگ ن کے صوبائی صدر جعفر خان مندوخیل اور جمال شاہ کاکڑ نے پریس کانفرس کی،پریس کانفرنس کے موقع پر عوامی نیشنل پارٹی کے رہنما ملک اسرار ترین نے اپنے ساتھیوں سیمت اے این پی سے مستعفی ہوکر مسلم لیگ ن میں شمولیت کا اعلان کردیا۔
اس موقع پر رہنما ن لیگ جعفر خان مندوخیل نے کہا کہ آنے والا دور مسلم لیگ ن کا ہوگا، نواز شریف نے پاکستان میں روز گار کے مواقع عام کیے اس لئے لوگ جوق درجوق پارٹی میں شمولیت اختیار کررہے ہیں، بلوچستان کے قبائلی معتبرین اور سیاسی کارکنوں کی بڑی تعداد جماعت کا حصہ بن رہی ہے،ہرنائی اور دیگر علاقوں کے نوجوان نواز شریف کے کاروان کا حصہ ہیں، سیاسی جماعتوں سے مایوس افراد مسلم لیگ ن کا حصہ بن چکے ہیں۔
