چیئرمین پی ٹی آئی بیرسٹر گوہر علی خان نے میڈیا سے گفتگو کرتے ہوئے کہا ہے کہ سابق چیئرمین پی ٹی آئی آئی عمران خان سے آج ملاقات ہوئی ،ٹکٹوں سے متعلق پراسس کل مکمل ہوجائے گااور پریس کانفرنس میں اعلان کریں گے
بیرسٹر گوہر علی خان کا کہنا تھا کہ پشاور ہائیکورٹ نے تاریخی فیصلہ دیا،بلا پی ٹی آئی نہیں پاکستانی عوام اور ان کے حقوق کی نشانی ہے،الیکشن کمیشن نے ہر مرحلہ پر روکنے کی کوشش کی ،نشان نہ ملتا تو تمام سیٹوں سے الیکشن مشکوک ہوجاتے ،آنے والا الیکشن کوئی بھی ہوتا کرپشن کا بازار لگ جاتا ،دنیا کے تمام قوانین میں کسی سیاسی پارٹی سے نشان لینے کا قانون نہیں، ہم نے ایسے الیکشن کرائے جس طرح کسی پارٹی نے نہ کرائے،
بیرسٹر گوہر علی خان کا مزید کہنا تھا کہ کل ٹکٹ کا اعلان کریں گے ملک کے ہر حلقہ میں امیدوار ہوگا ،تمام ٹکٹ جو دستخط کرکے جاری کریں گے میڈیا سے شیئر کریں گے،ٹکٹوں کیلئے پیسوں کے لین دین کا سوال ہی پیدا نہیں ہوتا ،تحصیل، ضلع اور ڈویژن کی سطح پر کمیٹیاں بنی ہیں،کل پکا فائنل ہے پرسوں مجھے ملاقات کی اجازت نہ ملی ،کل پشاور ہائیکورٹ مصروف تھا آج ملاقات ہوئی ،باہرملکوں کے کیسز سے متعلق بات نہیں ہوئی، کل سائفر کیس لگا ہواہے ہورا یقین ہے عدالت سے ریلیف ملے گا اوپن ٹرائل ہوگاسائفرکیس حکومت کے خلاف نہیں ہے،ملکی سلامتی کیلئے ہے،پوسٹل بیلٹ کیلئے ابھی اپلائی نہیں کیا،بانی پی ٹی آئی کو بہت سارے کیسز میں ملوث کیاجارہاہے ،8 فروری کو پی ٹی آئی کی جیت اور دوتہائی اکثریت ہوگی عوام کی آواز سنی جائے گی ،اگر سابق چیئرمین پی ٹی آئی ادھر ہی ہوئے تو پوسٹل بیلٹ کیلئے اپلائی کریں گے،آٹھ فروری کو انشاء اللہ پی ٹی آئی جیت کر دکھائے گی،
واضح رہے کہ پشاور ہائیکورٹ نے الیکشن کمیشن کا پی ٹی آئی کے انٹرا پارٹی انتخابات سے متعلق 22 دسمبر کا فیصلہ کالعدم قرار دے دیا، بلے کا نشان بحال ہو گیا،پشاور ہائیکورٹ کے جسٹس اعجاز انور اور سید ارشد علی نے فیصلہ سنا دیا ۔پشاور ہائیکورٹ نے پی ٹی آئی کو بلے کے نشان پر انتخابات لڑنے کی اجازت دے دی۔پشاور ہائیکورٹ نے پی ٹی آئی کی درخواست منظور کر لی
مجھے بلے کی آفر ہوئی میں نے انکار کر دیا
بلے کے نشان کے بعد پی ٹی آئی کا نام و نشان بھی ختم ہوجائےگا ۔
پی ٹی آئی کے ساتھ آج جو کچھ ہو رہا ہے وہ اسکا اپنا کیا دھرا ہے ،
عمران خان نے تبدیلی کے نام پر عوام کو دھوکہ دیا
الیکشن میں میں جہاں بھی ہوں گا وہاں جیت ہماری ہی ہوگی
بانی پی ٹی آئی اب قصہ پارینہ بن چکے
عمران خان ملک میں الیکشن نہیں چاہتا ، وہ صدارتی نظام چاہتاہے
