چترال، این اے ون کے امیدوار طلحہ محمود کا پی ٹی آئی امیدوار کے آبائی حلقے میں پاور شو

جمعیت علمائے اسلام کے نامزد امیدوار برائے قومی اسمبلی محمد طلحہ محمود نے پاکستان تحریکِ انصاف کے حمایتی امیدوار برائے قومی اسمبلی عبداللطیف کے آبائی حلقے میں پاور شو کیا ہے،

لوٹ اویر (فتح اللہ) انتخابی مہم کے سلسلے میں جمعیت علمائے اسلام کے نامزد امیدوار برائے قومی اسمبلی محمد طلحہ محمود ، امیدوار برائے صوبائی اسمبلی حاجی شکیل احمد و دیگر عمائدین نے پاکستان تحریکِ انصاف کے حمایتی امیدوار برائے قومی اسمبلی عبداللطیف کے آبائی حلقے لوٹ اویر کا کامیاب دورہ کیا ۔ جہاں عمائدین کی جانب سے جمعیت علمائے اسلام کے دونوں نامزد امیدواروں کا پرتپاک طریقے سے استقبال کیا گیا۔ سینیٹر طلحہ محمود نے خطاب کرتے ہوئے کہا کہ انتخابی مہم کے دوران مجھے چترال کو قریب سے دیکھنے کا ملا۔ چترال کو بالخصوص لوٹ اویر کی عوام کو شدید مشکلات کا سامنا ہے۔ آپ لوگوں کو ماضی کے تمام سیاستدانوں نے نظر انداز کیا گیا ہے۔ ترقیاتی منصوبوں سے اس علاقے کو لاوارث رکھا گیا ہے۔ جو کہ قابل افسوس ہے۔ مجھے حیرت ہو رہی ہے کہ آپ لوگ زندگی کے بنیادی ضروریات سے محروم ہیں ۔ سڑکوں کی حالت انتہائی خراب ہے۔ پینے کے لئے پانی ، علاج کے لئے ہسپتال اور تعلیمی اداروں میں اساتذہ کی کمی ہیں ۔

انہوں نے مزید کہا اگر میں آپ لوگوں کی ووٹوں کی طاقت سے منتخب ہوا تو یہ میرا آپ سے وعدہ ہے انشاء اللہ آپ کو آپ لوگوں کی بنیادی ضروریات سے محروم نہیں رکھوں گا ۔ یہاں سڑکوں کی حالت زار دیکھ کر مجھے بہت زیادہ افسوس ہوا ہے۔ انہوں نے مزید کہا انشاء اللہ وہ وقت دور نہیں ہے چترال کے طول و عرض میں ترقیاتی منصوبوں کے جال بچھائے جائیں گے ۔اگر چترال نے مجھے منتخب کیا تو انشاء اللہ آپ کی امنگوں کی صحیح ترجمانی کروں گا۔ چترال کی حق کو اپنی ذات کو لئے استعمال نہیں کروں گا۔ اگر چترال نے مجھے منتخب کیا تو اگلے پانچ سالوں میں چترال میں مثبت تبدیلی نظر آئی گی۔

محمد طلحہ محمود نے لوٹ اویر میں والہانہ استقبال کرنے پر عوام کا شکریہ ادا کرتے ہوئے کہا کہ جس انداز میں آپ لوگوں نے مجھے عزت دی ہے۔ جس انداز میں چترال کے طول و عرض مجھے استقبال کر رہے ہیں۔ میں آپ سب کی محبتوں اور چاہتوں کا مقروض ہوں۔ انشاء اللہ تعالیٰ چترال کی ترقی کے لئے دن رات محنت کروں گا۔

ماضی میں چترال کے عوام کو محتلف بہانوں سے دھوکہ دیکر ان سے ووٹ لیا گیا۔ سینیٹر محمد طلحہ محمود

سینیٹر طلحہ محمود کی امریکی جیل میں قید ڈاکٹر عافیہ صدیقی سے ملاقات

طلحہ محمود اور چیئرمین پی اے سی نور عالم خان کے درمیان نوک جھونک

این اے ون چترال میں سینیٹر طلحہ محمود کی بھر پور انتخابی مہم جاری

علاوہ ازیں سابق جنرل سیکرٹری انصاف وومن ونگ اپر چترال ، انصاف ویلفیئر ونگ مالاکنڈ سارہ شاہ پیرزادہ اور سابق صدر انصاف وومن ونگ اپر چترال فضیلہ بی بی نے الیکشن 2024 میں سینیٹر محمد طلحہ محمود کی بھرپور حمایت کا اعلان کر دیا.