ڈیرہ غازی خان: بڑے پیمانے پر پرائس چیکنگ کا عمل جاری
ڈیرہ غازی خان(باغی ٹی وی رپورٹ)حکومت پنجاب کی ہدایات پر ضلع ڈیرہ غازی خان میں پرائس چیکنگ کا عمل تیز کر دیا گیا ہے۔
ڈپٹی کمشنر مہر شاہد زمان لک کی زیر نگرانی ضلع بھر میں 31 پرائس کنٹرول مجسٹریٹس نے گزشتہ روز 1394 دکانوں کی چھاپہ مار کارروائیاں کیں۔
اس دوران 38 گراں فروشوں کو 125,000 روپے کے جرمانے عائد کیے گئے جبکہ 9 کو گرفتار بھی کر لیا گیا۔
ضلع انتظامیہ نے عوام سے اپیل کی ہے کہ وہ اگر کسی دکاندار کی جانب سے قیمت بڑھانے کی شکایت معلوم ہو تو فوری طور پر ضلعی انتظامیہ سے رابطہ کریں۔
