دبئی : پاکستان مسلم لیگ نون کے قائد میاں محمد نواز شریف ایک روزہ دورے پر دبئی ایئرپورٹ پر پہنچ گئے ہیں
دبئی ائیر پورٹ پر سفیر پاکستان فیصل نیاز ترمذی اور پاکستانی قونصل خانہ کے افسران نے استقبال کیا ۔ میاں نواز شریف امارات ہلز دبئی میں اپنی بیٹی اسما نواز کے گھر رہائش پذیر ہیں ۔میاں نواز شریف کل شام امارات ائیر لائن کی پرواز سے لندن روانہ ہوں گئے ،
نواز شریف لاہور سے دبئی کے لئے روانہ ہوئے تھے، نواز شریف غیرملکی ایئرلائن کی فلائٹ ای کے 625 سے روانہ ہوئے تھے، نواز شریف کے ہمراہ ان کے ذاتی معالج ڈاکٹر عدنان اور سٹاف کے ممبران موجود ہیں،دبئی میں ایک روز قیام کے بعد سابق وزیراعظم نواز شریف لندن جائیں گے جبکہ وزیراعلی پنجاب مریم نواز نومبر کے پہلے ہفتے میں لندن جائیں گی جس کے بعد سابق وزیراعظم نواز شریف اور مریم نواز اکٹھے یورپ کا دورہ کریں گے،اسی دورے کے دوران نواز شریف امریکا بھی جائیں گے
نواز شریف 21 اکتوبر کو 4 سال بعد پاکستان واپس آئے تھے،نواز شریف نے الیکشن میں حصہ لیا تا ہم لاہور سے مبینہ طور پر جیتے اور مانسہرہ سے ہار گئے، دو تہائی اکثریت نہ ملنے پر نواز شریف نے شہباز شریف کو وزیراعظم اور اپنی بیٹی مریم نواز کو پنجاب کا وزیراعلیٰ بنوا دیا تا ہم نواز شریف خود پس پردہ رہ کر کام کر رہے ہیں، گزشتہ دنوں بجلی کے بلوں میں ریلیف کے لئے نواز شریف نے پریس کانفرنس کی جس میں صحافیوں کو نہیں بلایا گیا بلکہ ریکارڈڈ ویڈیو چلائی گئی، نواز شریف میڈیا کا سامنا کرنے سے گھبرا رہے ہیں،
نواز شریف کی گاڑی کو مری میں نوجوانوں نے روک لیا
آج بھی میرا وہی سوال ہے کہ مجھے کیوں نکالا؟نواز شریف
نواز شریف کی زیر صدارت پارٹی اجلاس،حکومت کا بھرپور ساتھ دینے کا فیصلہ
