فیصل آباد: چونیاں میںبچوں کو اغوا کے بعد زیادنی کرنے اور پھر قتل کرنے کے واقعات کے سیاہ بادل ابھی چھٹے نہیںتھے کہ پنجاب کے شہر فیصل آباد میں نامعلوم ڈرائیور زیادتی کی کوشش میں ناکامی پر 15 سالہ بچے کا شیشے سے گلا کاٹ کر فرار ہوگیا۔
ذرائع کے مطابق زیادتی کی ناکام کوشش پر پردہ ڈالنے کے لیے ڈرائیور15 سالہ عبداللہ کا شیشے سے گلا کاٹ کر فرار ہوگیا، زخمی بچے کو سول اسپتال منتقل کردیا گیا جہاں اس کی حالت خطرے سے باہر بتائی جارہی ہے۔
ذرائع کےمطابق اسلام نگر کا رہائشی 15 سالہ عبداللہ جمعرات کو دربار بابا نور شاہ والی جارہا تھا، جنرل بس اسٹینڈ میں ایک نامعلوم بس ڈرائیور اسے زبردستی اپنے ساتھ جھال انڈر پاس کے قریب لے گیا اور زیادتی کرنے کی کوشش کی۔
تھانہ فیکٹری ایریا پولیس کو ملزم کے خلاف مقدمہ درج کرکے اسے فوری گرفتار کرنےکے لیے کارروائی شروع کردی ہے
۔
