وفاقی وزیر مملکت برائے ماحولیاتی امور زرتاج گل کے خلاف پنجاب اسمبلی میں قرارداد کے بعد مسلم لیگ ن نے الیکشن کمیشن میں بھی درخواست دائر کر دی

زرتاج گل کو نااہل قرار دیا جائے، ن لیگ نے بڑا مطالبہ کر دیا

باغی ٹی وی کی رپورٹ کے مطابق تحریک انصاف کی رہنما ،وزیرمملکت بائے ماحولیاتی امور زرتاج گل کے خلاف الیکشن کمیشن میں ن لیگ کی رکن پنجاب اسمبلی حناپرویزبٹ نے درخواست دائرکی ہے جس میں کہا گیا ہے کہ زرتاج گل کواختیارات کے ناجائزاستعمال پرنااہل قراردیا جائے، زرتاج گل نے حلف کی خلاف ورزی کی،اس نے بہن کی نیکٹا میں تعیناتی کیلئے اثرورسوخ استعمال کیا،زرتاج گل نے جھوٹ بولاکہ ان کی بہن میرٹ پرپورااترتی ہے۔

میں یہ کام نہیں کرتی……زرتاج گل نے کیوں کی وضاحت؟

اس سے قبل مسلم لیگ ن نے پنجاب اسمبلی میں بھی قرارداد جمع کروائی جس میں یہی مطالبہ کیا گیا تھا کہ زرتاج گل کو نااہل قرار دیا جائے.

واضح رہے کہ تحریک انصاف کی رہنما وزیر مملکت برائے موسمیاتی تبدیلی زرتاج گل کی ہمشیرہ شبنم گل کو نیکٹا میں بطور ڈائریکٹر تعینات کیا گیا تھا .شبنم گل لاہور کالج برائے خواتین یونیورسٹی میں گریڈ 18 کی اسسٹنٹ پروفیسر ہیں ،لاہور کالج برائے خواتین یونیورسٹی نے شبنم گل کو اعزازی گریڈ 19 دے رکھا ہے ،شبنم گل نے 2010 میں پولیٹکل سائنس میں پی ایچ ڈی میں داخلہ لیا تھا وہ 9 سال گزر جانے کے باوجود بھی پی ایچ ڈی مکمل نہیں کر سکیں .
وزیر اعظم عمران خان نے زرتاج گل کی بہن کی ڈائریکٹر نیکٹا تعیناتی کے معاملے کا نوٹس لیتے ہوئے زرتاج گل کو ہدایت کی ہے کہ وہ نیکٹا کو لکھا گیا خط واپس لیں. وزیر اعظم عمران خان کے ترجمان نعیم الحق کی جانب سے سماجی رابطے کی ویب سائٹ ٹویٹر پر کہا گیا ہے کہ ایسا کرنا پی ٹی آئی کی روایات کیخلاف ہے کیونکہ پی ٹی آئی کا ماضی گواہ ہے کہ اس نے ہمیشہ اقربا پروری کی مخالفت کی ہے. نعیم الحق کا کہنا تھاکہ سفارش پر تقرریاں کر کے پی ٹی آئی حکومت میں کوئی شخص اپنے عزیز و اقارب کو فائدہ نہیں پہنچا سکتا،