چین کے وزیرِ خارجہ وانگ ای نے کہا ہے کہ چین جنوبی ایشیا میں پائیدار امن کے قیام کے لیے پاکستان اور بھارت کے درمیان بات چیت اور مذاکرات کی کوششوں کی حمایت کرتا ہے۔
چینی وزارتِ خارجہ کی جانب سے جاری بیان کے مطابق، بیجنگ میں پاکستان کے نائب وزیرِ اعظم و وزیرِ خارجہ اسحاق ڈار سے ملاقات کے دوران وانگ ای نے کہا کہ پاک-بھارت تنازعات کو بات چیت کے ذریعے حل کرنے کی ضرورت ہے، اور چین اس مقصد کے لیے کیے جانے والے اقدامات کا خیرمقدم کرتا ہے۔انہوں نے اس بات کا اعادہ کیا کہ چین پاکستان کی خودمختاری اور علاقائی سالمیت کے تحفظ میں ہمیشہ اس کا ساتھ دے گا۔
وکلا کی عدم موجودگی،عمران خان کا پولی گراف ٹیسٹ کرانے سے انکار
چینی وزیرِ خارجہ نے زور دیا کہ پاکستان کے ساتھ صنعت، زراعت، توانائی اور معدنیات کے شعبوں میں تعاون کو مزید فروغ دینا ہوگا۔ انہوں نے دہشت گردی کے خلاف مشترکہ کوششوں کو بھی وسعت دینے کی ضرورت پر زور دیا۔اس سے قبل اسحاق ڈار کی چینی کمیونسٹ پارٹی کے وزیر یو جیان چاؤ سے بھی ملاقات ہوئی، جس میں سیاسی جماعتوں کے درمیان تعلقات مضبوط بنانے پر اتفاق کیا گیا۔ ملاقات میں یو جیان چاؤ نے پاکستان کو چین کا "آئرن برادر” قرار دیتے ہوئے کہا کہ چین پاکستان کے ساتھ اپنے تعلقات کو اولین ترجیح دیتا ہے۔
ایئر چیف کی مدتِ ملازمت میں توسیع، شہداء و غازیوں کو اعزازات دینے کا فیصلہ
اسحاق ڈار نے چین کی جانب سے پاکستان کی خودمختاری اور بنیادی مفادات کی مسلسل حمایت پر اظہارِ تشکر کیا اور دونوں ممالک کے درمیان اسٹریٹجک شراکت داری کو مزید مستحکم بنانے کے عزم کا اعادہ کیا۔
برطانیہ نے اسرائیل کے ساتھ فری ٹریڈ ڈیل معطل کر دی
عاصم منیر کی فیلڈ مارشل کے عہدے پر ترقی، مبارکبادوں کا سلسلہ جاری
وفاق اور خیبر پختونخوا حکومت کے درمیان این ایف سی ایوارڈ پر اتفاق