امیر جماعت اسلامی پاکستان سینیٹر سراج الحق نے کہا ہے کہ مدارس کے خلاف سازشوں کو ناکام بنائیں گے،

کشمیر کی فتح تک جدوجہد آزادی جاری رہے گی ،سینیٹر سراج الحق

باغی ٹی وی کی رپورٹ کے مطابق سراج الحق نے کہاکہ دینی مدارس اسلام کے قلعے ہیں، پاکستان میں لادینی نظریات کا پوری قوت سے مقابلہ کریں گے، حکومت نے دینی مدارس کے 31 لاکھ طلبہ کے لیے بجٹ میں ایک روپیہ نہیں رکھا، ان خیالات کااظہار انہوں نے راولپنڈی میں دارالعلوم فی ظلال القرآن کی افتتاحی تقریب سے خطاب کرتے ہوئے کیا، تقریب سے نائب امیر جماعت اسلامی پاکستان میاں محمد اسلم اور راولپنڈی کے ضلعی امیر سید عارف شیرازی نے بھی خطاب کیا، سینیٹر سراج الحق نے کہاکہ وزارت تعلیم کی کوئی سمت متعین نہیں، حکومت تعلیم عام کرنے کے اعلانات کرتی ہے لیکن اعلیٰ تعلیم کے لیے بجٹ میں 20 فیصد کمی کر دی گئی ہے، حکومت نے یکساں نظام تعلیم کا وعدہ پورا نہیں کیا،

امریکی صدر کی ثالثی پر اعتماد نہیں ہے، سراج الحق

سینیٹر سرا ج الحق نے کہاکہ کشمیر میں بدترین کرفیو کو باون دن گزر گئے ہیں مگر یو این او محصور اور محبوس کشمیریوں کے لیے کچھ نہیں کر سکی، کشمیر میں ایک بہت بڑا انسانی المیہ جنم لے چکاہے، 80لاکھ کشمیری اس وقت دنیا کی سب سے بڑی جیل میں بند ہیں، ہسپتال بند ہیں ، علاج کی سہولت نہ ملنے کی وجہ سے بیمار و زخمی گھروں میں دم توڑ رہے ہیں، لوگ اپنے مردوں کو گھروں میں دفن کرنے پر مجبور ہیں، آٹھواں جمعہ آ گیا ہے، کشمیری مسلمانوں کو مسجدوں میں نماز جمعہ پڑھنے کی اجازت نہیں، انہوں نے کہاکہ یو این او یا امریکہ سے امیدیں لگانا خود فریبی ہے، اقوام متحدہ 70سال سے اپنی درجنوں قرار دادوں پر عملدرآمد کروانے میں ناکام رہی ہے، انہوں نے کہاکہ عالم اسلام کو اپنے مسائل کے حل کے لیے متحد ہونا ہوگا،