نئی دہلی: بھارتی وزیر امیت شاہ نے مسئلہ کشمیر پر سابق بھارتی وزیراعظم جواہر لعل نہرو کو سخت تنقید کا نشانہ بناتے ہوئے کہا کہ ان کا مسئلہ کشمیر کو اقوام متحدہ میں لیکر جانا تاریخی غلطی تھی.

تفصیلات کے مطابق نئی دہلی میں ریلی سے خطاب کرتے ہوئے امیت شاہ نے مسئلہ کشمیر کو اقوام متحدہ میں لیکر جانے کا ذمہ دار سابق بھارتی وزیراعظم جواہر لعل نہرو کو ٹھہرا دیا. "مسئلہ کشمیر کو اقوام متحدہ میں جواہر لعل نہرو لیکر گئے، جو ان کی سب سے بڑی غلطی تھی.” امیت شاہ نے آرٹیکل 370 کا دفاع کرتے ہوئے کہا کہ آرٹیکل 370 اور کشمیر سے متعلق بہت سی غلط خبریں پھیلائی جارہی ہیں، جن کو دور کرنے کی ضرورت ہے.

کرفیو کے باوجود کشمیری پاکستان اور عمران خاں کے حق میں نعرے لگاتے رہے

دوسری جانب امیت شاہ نے کانگریس پارٹی کو بھی سخت تنقید کا نشانہ بنایا. انہوں نے کہا کہ "کانگریس کی حکومت لوگوں کو کشمیر سے متعلق غلط تاریخ پڑھاتی رہی ہے.

نکیال سیکٹر میں بھارتی فوج کی فائرنگ سے 2 شہری شہید، 3 زخمی

واضح رہے کہ دو روز قبل پاکستانی وزیراعظم عمران خان نے اقوام متحدہ میں خطاب کرتے ہوئے کشمیر کا مسئلہ دنیا کے سامنے رکھا تھا اور نریندر مودی کا اصل چہرہ دنیا کے سامنے رکھا تھا.

مقبوضہ کشمیر میں ایک اور بھارتی فوجی نے خودکشی کر لی