وزیراعظم عمران خان کی زیرصدارت پی ٹی آئی پارلیمانی پارٹی کا اجلاس ختم ہو گیا ہے،

کشمیریوں کے ساتھ کھڑا ہونا جہاد ہے، مودی کی فاشسٹ‌ حکومت کو ہر فورم پر بے نقاب کریں گے، عمران خان

باغی ٹی وی کی رپورٹ کے مطابق اجلاس میں وزیراعظم پاکستان عمران خان نے پارلیمانی پارٹی کا اعتماد میں لیا، اس موقع پر (ن) لیگ کے رہنما رانا افضل کے لیے فاتحہ خوانی کی گئی، وزیراعظم عمران خان نے اپنے خطاب میں کہا کہ کشمیریوں کامقدمہ جہاد سمجھ کر لڑ رہے ہیں، مقبوضہ کشمیرمیں بھارت بدترین ظلم کررہاہے، پی ٹی آئی پارلیمانی پارٹی کااجلاس پارلیمنٹ ہاؤس میں ہوا، اس موقع پر وزیر خارجہ کی طرف سے مسئلہ کشمیرپرحکومتی سفارتکاری پربریفنگ دی گئی، اجلاس کے دوران وزرااورحکومتی ارکان نے وزیراعظم کو جنرل اسمبلی اجلاس میں شاندار خطاب پرخراج تحسین پیش کیا، اجلاس میں پارلیمنٹ کےاندراپوزیشن کےاحتجاج سےنمٹنےکی حکمت عملی پربھی غورہوا، اجلاس میں مسئلہ کشمیرپرحکومتی اقدامات اورآئندہ کالائحہ عمل طےکرنےپربات چیت ہوئی،

عمران خان نے دنیا کے سب حکمرانوں کو پیچھے چھوڑ دیا

زلزلہ پروف عمارتوں کی تعمیر یقینی بنائی جائے گی، وزیراعظم آزاد کشمیر

زلزلہ متاثرین کی بحالی تک چین سےنہیں بیٹھیں گے، مشیر برائے اطلاعات

پارلیمانی پارٹی کے اجلاس میں وفاقی وزرا اور اتحادی جماعتوں کے رہنما شریک ہوئے، اجلاس میں وفاقی وزرا پرویزخٹک، اعجاز شاہ، شاہ محمود قریشی، فوادچودھری، شیخ رشید اورمراد سعید نے شرکت کی ، اسی طرح فردوس عاشق اعوان،فیصل واوڈا،علی محمد خان، شبلی فراز، حفیظ شیخ، علی امین گنڈاپور اور دیگر شریک ہوئے، واضح رہے کہ وزیراعظم عمران خان ایک دن قبل ہی سات روزہ دورہ کے بعد وطن واپس پہنچے ہیں،