ملک کے دوسرے حصوں سے موٹرسائیکلیں چوری کرکے بلوچستان میں فروخت کرنے والا گروہ پکڑا گیا

کراچی:کراچی سمیت سندھ کے دیگرشہروں سے موٹرسائیکل سمیت دیگراہم قیمتی گاڑیاں چوری کرکے بلوچستان پہنچائی جانے لگی ہیں ، پولیس بھی ان مجرموں کے پیچھے تھی اور یہی وجہ ہے کہ بڑی کوشش کے بعد بعد شہر قائد سے موٹرسائیکلیں چوری کرکے بلوچستان میں فروخت کرنےو الا گروہ گرفتار کرلیا گیا۔

ذرائع کے مطابق اینٹی وہیکل لفٹنگ سیل نے 5 رکنی بین الصوبائی گروہ کو گرفتار کرلیا، جس کے ارکان بلوچستان سے کراچی آکر موٹر سائیکل چوری کرتے اور چھینتے تھے۔ ایس ایس پی طارق نواز کے مطابق ملزمان چوری شدہ موٹرسائیکلیں ساکران میں فروخت کرتے تھے۔

ملزمان کے قبضے سے کراچی سے چوری کی گئی موٹر سائیکلیں بھی برآمد کرلی گئی ہیں۔ پولیس حکام کے مطابق ایک ملزم کو کراچی میں سی سی ٹی وی ویڈیو کے ذریعے شناخت کیا گیا۔ ملزم چند سیکنڈز میں موٹر سائیکل چوری کرنے کا ماہر ہے۔

یہ بھی معلوم ہوا ہے کہ یہ بین الصوبائی گروہ ملک کے دوسرے حصوں سے بھی چوری کی وارداتیں کرتا ہے اور بلوچستان کے مختلف علاقوں میں موجود بڑے بڑے سرغنوں کے ہاتھوں فروخت کردیا جاتا ہے ،پولیس کے مطابق بڑی بڑی قیمتی گاڑیاں بھی بلوچستان چوری کرکے بھیجی جارہی ہیں ، جن کے بارے میں معلوم ہوا ہے کہ گاڑیوں کوکھول کران کے پارٹس مارکیٹوں میں بھیجے جاتے ہیں جس کے بدلے میں بھاری قیمت وصول کی جاتی ہے

سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم

جتنی ناانصافی اسلام آباد میں ہے اتنی شاید ہی کسی اور جگہ ہو،عدالت

اسلام آباد میں ریاست کا کہیں وجود ہی نہیں،ایلیٹ پر قانون نافذ نہیں ہوتا ،عدالت کے ریمارکس