یوم خواتین مارچ میں برقعہ پہن کرفاٹا خواتین کی نمائندگی کرنے والا مرد گرفتار
اسلام آباد:برقعہ پہن کرفاٹا خواتین کی خواتین مارچ میں نمائندگی کرنے والا مرد گرفتار،اطلاعات کےمطابق ابھی تھوڑی دیرپہلے وفاقی دارلحکومت اسلام آباد میں جاری عورت آزادی مارچ سے ایک شخص کو گرفتار کر لیا گیا ہے۔
ذرائع کے مطابق گرفتار شخص نے صحافی کے سوال پر بتایا کہ وہ خواتین مارچ میں برقعہ پہن کر فاٹا کی خواتین کی نمائندگی کر رہا تھا۔بتایا گیا ہے کہ گرفتار شخص کا نام عثمان ہے جس کہنا ہے کہ فاٹا کی خواتین یہاں نہیں آ سکتیں اس لئے میں ان کی نمائندگی کر رہا تھا۔
یاد رہےکہ آج دنیا بھرکی طرح پاکستان میں بھی خواتین کا عالمی دن منایا جارہا ہے، اسی دن کی مناسبت کے حوالے سے آج ملک بھرمیں خواتین کے حق میں ریلیاں نکالی جارہی ہیں ، یہ واقعہ بھی اسی سلسلے میں پیش آیا جہاں اسلام آباد میں عورت مارچ تودوسری طرف خواتین مارچ کے شرکا مظاہرہ کررہےہیں
