اسلام آباد:چین کے ڈاکٹرزمیجرجنرل ہانگ کی قیادت میں دوخصوصی طیارے لیکرپاکستان پہنچ گئے ،افواج پاکستان کے ترجمان ادارے آئی ایس پی آر کے ترجمان کی طرف سے کہا گیا ہے کہ پاکستان کے دوست ملک چین کی طرف سے کرونا وائرس سے نمٹنے کےلیے طبی ماہرین کی ٹیم پاکستان پہنچ گئی ہے
باغی ٹی وی کے مطابق یہ میڈیکل ٹیم میجرجنرل ہانگ چنگ ہن کی قیادت میں اسلام اباد پہنچی ہے، یہ بھی بتایا گیا ہےکہ چین نے دوجہازبھی طبی سامان سے بھرے پاکستان بھیجے ہیں،
ذرائع کا کہنا ہےکہ چینی طبی ماہرین کی یہ ٹیم پاکستان میں تیزی سے پھیلنے والے کووڈ 19 وائرس سے متاثرہ افراد کا علاج کرنے کے لیے پاکستان آئے ہیں ، جہاں یہ میڈیکل ٹیم کرونا وائرس سے متاثرہ افراد کا علاج معالجہ کریں گے
آئی ایس پی آر کی طرف سے کہا گیا ہے کہ چیئرمین جوائنٹ جیفس آف کمیٹی جنرل ندیم رضا نے اعلی فوجی افسران کے ہمراہ اپنے چینی مہمانوں کا پاکستان پہنچنے پر بھرپوراستقبال کیا ،چین اورپاکستان کی دوستی بہت مضبوط ہے اورہرمشکل وقت میں یہ ایک دوسرے کے کام آتے رہتے ہیں
