خنجراب: خنجراب کے نیشنل پارک میں برفانی چیتے کی ایسی ویڈیو جس نے دنیا کی توجہ حاصل کرلی ،اطلاعات کے مطابق برفانی چیتے کے عالمی دن پر ورلڈ وائلڈ لائف فنڈ (ڈبلیو ڈبلیو ایف پاکستان) کی جانب سے برفانی چیتے کے بچوں کی فوٹیج جاری کردی گئی۔
ویڈیو میں خنجراب نیشنل پارک کے محفوظ مقام دیہنالہ میں برفانی چیتے کے 2 بچوں کی موجودگی کے نایاب مناظر دکھائے گئے ہیں۔
It’s World Snow Leopard Day!
We hope you enjoy this unique footage of two snow leopard cubs found thriving in Dhee Nala, in the buffer zone of Khunjerab National Park, Gilgit-Baltistan. pic.twitter.com/F7ot15JqT7
— WWF-Pakistan (@WWFPak) October 23, 2021
یہ نایاب مناظر وائلڈ لائف کے مقامی فوٹوگرافر امتیاز احمد نے اپنے کیمرے سے ریکارڈ کئے جو برفانی چیتے کے ان بچوں کو ان کی پیدائش سے دیکھتے آرہے ہیں۔ قراقرم کی حدود میں مقامی افراد نے برفانی چیتوں کی تعداد میں اضافے سے متعلق معلومات بھی دی ہیں۔
پاکستان میں برفانی چیتے کے رہائشی مقامات 80 ہزار مربع کلومیٹر کے رقبے پر پائےجاتے ہیں۔ برفانی چیتوں کی موجودگی اونچائی پر موجود ان کی رہائشگاہوں کی بہترین ماحول کی نشاندہی کرتی ہے۔
ترجمان ڈبلیو ڈبلیو ایف کا کہنا ہے کہ برفانی چیتے ماحولیاتی نظام کو توازن میں رکھنے کیلئے اہم ہیں، برفانی چیتے کے بچے اب 6 ماہ کے ہوگئے ہیں۔
دوسری طرف اس ویڈیو کوسوشل میڈیا پربار بار شیئرکیا جارہا ہے، اکثرصارفین کا کہنا ہےکہ اللہ نے پاکستان کوبہت ہی زیادہ خوبصورت قدرتی مناظردیئے ہیں جن سے فائدہ اٹھانے کےلیے حکومتوں کوکوششیں اور اقدامات کرنے چاہیں
