کیلیفورنیا کے ہوائی اڈے کے قریب دوسری جنگ عظیم کے دور کا طیارہ گر کر تباہ ہونے سے 2 افراد ہلاک ہو گئےہیں.
میڈیا رپورٹس کے مطابق دو افراد جو دوسری جنگ عظیم کے تاریخی طیارے میں سوار تھے اس وقت ہلاک ہو گئے جب یہ طیارہ جنوبی کیلیفورنیا کے چینو ہوائی اڈے سے ٹیک آف کے فوراً بعد گر کر تباہ ہو گیا۔چینو ویلی فائر ڈسٹرکٹ کے بٹالین چیف برائن ٹرنر نے میڈیا کو بتایا کہ نجی لاک ہیڈ L12 طیارہ رن وے سے تقریباً 200 گز دور گھاس کے میدان میں گر کر تباہ ہوا، فوری طور پر ہلاک ہونے والے مسافروں کی شناخت ظاہر نہیں کی گئی۔
ٹرنر نے کہا کہ یہ بتانا ابھی قبل از وقت ہے کہ طیارہ کیسے گرا، لیکن اس میں آگ لگی تھی۔
کیلی فورنیا میں یانکس ایئر میوزیم نے فیس بک پر پوسٹ کیے گئے ایک بیان میں کہا کہ اس کا ایک طیارہ مہلک حادثے میں حادثے میں تباہ ہو گیا ہے،اس وقت ہم مقامی حکام اور ایف اے اے کے ساتھ مل کر کام کر رہے ہیں۔میوزیم اگلے نوٹس تک بند رہے گا ،طیارہ حادثے کی فیڈرل ایوی ایشن ایڈمنسٹریشن اور نیشنل ٹرانسپورٹیشن سیفٹی بورڈ تحقیقات کر رہے ہیں.
