آپکے گھر کی خاتون سے متعلق یہ بات کریں توآپ کو کیسا لگے گا؟ علی محمد خان لیگی رکن اسمبلی پر برس پڑے

قومی اسمبلی اجلاس میں‌ تحریک انصاف کےاراکین نے ن لیگی رکن افتخارالحسن کے ریمارکس پر شدید احتجاج کیا ہے. اس موقع پر وزیرمملکت علی محمد خان نے بھی گفتگو کرتے ہوئے کہا کہ کسی خاتون کے بارے میں نامناسب الفاظ کی مذمت کرتے ہیں.

باغی ٹی وی کی رپورٹ کے مطابق مسلم لیگی رکن افتخار الحسن نے کہاکہ فوادچودھری کی جگہ جس خاتون کو لگایا گیا وہ پچاس ہزارووٹوں سےہاری ہے، ان کے اس ریمارکس پر وزیر مملکت علی محمد خان نے کہاکہ اگر آپ کے گھر کی خاتون کے بارے میں یہ بات کریں توآپ کو کیسا لگے گاِ؟

علی محمد خاں نے کہاکہ کسی خاتون کے بارے میں الفاظ کی مذمت کرتے ہیں.سیاست کرنی ہے تو اخلاقیات کے دائرہ میں کریں, یہ نہیں‌ کہ الفاظ واپس لے لیں اور معذرت کر لیں. تحریک انصاف کے اراکین کے احتجاج پر مسلم لیگی رکن افتخار الحسن نے اپنے الفاظ واپس لے لئے.

جواب چھوڑیں

آپ کا ای میل ایڈریس شائع نہیں کیا جائے گا.