آپ شور مچاتے رہیں، بات بھی سنتے جائیں تو اچھا ہے، صدر مملکت کا پارلیمنٹ اجلاس میں اپوزیشن اراکین کو مشورہ
صدر مملکت ڈاکٹر عارف علوی کے پارلیمنٹ کے مشترکہ اجلاس سے خطاب کے دوران اپوزیشن اراکین نے زبردست شور شرابہ کیا تو صدر مملکت نے انہیں مشورہ دیا کہ آپ شور مچاتے رہیں، بات بھی سنتے جائیں تواچھا ہوگا،
باغی ٹی وی کی رپورٹ کے مطابق اپوزیشن ارکان نے احتجاج کے دوران ایجنڈے کی کاپیاں پھاڑدیں، اس دوران اپوزیشن ارکان نے زیرحراست ارکان کی تصاویر، پلےکارڈزکے ساتھ اسپیکرروسٹرم کا گھیراؤ کای اور پلے کارڈاُٹھاکراپنی نشستوں سےاُٹھ کرنعرے بازی کی،
واضح رہے کہ اجلاس سے قبل اپوزیشن جماعتوں کا اجلاس ہوا تھا جس میں طے کیا گیا تھا کہ رہنماؤں کے پروڈکشن آرڈر جاری نہ کئے جانے پر صدر کے خطاب سے آغاز سے قبل احتجاج کیا جائے گا، یوں اجلاس شروع ہوتے ہی اپوزیشن کی جانب سے احتجاج کا آغا ز کر دیا گیا، واضح رہے کہ چیئرمین سینیٹ اوراسپیکر قومی اسمبلی کی زیرصدارت پارلیمنٹ کا مشترکہ اجلاس شروع ہو گیا ہے، وزیراعظم عمران خان، پاک فضائیہ کےسربراہ ایئرچیف مارشل مجاہدانورخان، نیول چیف ایڈمرل ظفرمحمودعباسی، چیف آف جنرل اسٹاف لیفٹیننٹ جنرل ندیم رضا، وفاقی وزرا اور وزرائے اعلیٰ پنجاب اور بلوچستان بھی شریک ہیں،
