اسلامی فتوحات پر مبنی مقبول ترین تُرک سیریز ’ارطغرل غازی‘ میں عبدالرحمن غازی کا کردار ادا کرنے والے جلال نے پاکستان کے یوم دفاع کے حوالے سے سوشل میڈیا پر خصوصی پیغام شئیر کیا ہے-

باغی ٹی وی : پاکستان میں ترک سیریز ’ارطغرل غازی‘ کی مقبولیت کے بعد سے یوں تو تُرک اداکاروں کی جانب سے مختلف مواقعوں پر پاکستانیوں کیلئے پیغامات شیئر کئے جاتے ہیں لیکن پاک تُرک دوستی کے فروغ کے لئے پیش پیش اداکار جلال ہر موقع پر پاکستان کے ساتھ محبت کے اظہار کے ساتھ پاکستانیوں کے لئے پیغام شئیر رکتے ہیں-

تاہم اب بھی سوشل میڈیا ویب سائٹ انسٹاگرام پر جلال نے اپنی اسٹوری میں یوم دفاع کی مناسبت سے تصویر شیئر کرتے ہوئے پاکستان میں موجود تمام مداحوں کو مبارکباد دی۔

جلال انسٹاگرام سٹوری سکرین شاٹ
جلال نےاپنی اسٹوری میں مختلف ہیش ٹیگ استعمال کرتے ہوئے پاکستان سے محبت کا اظہار کیا۔

انہوں نے اپنے پیغام میں ہیش ٹیگ پاکستان، پاکستان زندہ آباد، پاک ترک دوستی لکھا۔

یاد رہے کہ اس سے قبل جلال نے تُرک اداکار جلال نے سوشل میڈیا ویب سائٹ انسٹاگرام پر اسٹوری میں کراچی سمیت پورے پاکستان میں سیلابی صورتحال میں گھرے ہوئے لوگوں کیلئے دعا کرتے ہوئے لکھا تھا کہ بارش کے نتیجے میں جاں بحق ہونے والوں کیلئے دعائے مغفرت کرتے ہیں-

انہوں نے اردو میں پیغام لکھتے ہوئے کہا تھا کہ سیلاب کی تباہ کاریوں پر پاکستانی قوم سے اظہار ہمدردی کرتے ہیں اور اس مشکل گھڑی میں سیلاب میں جاں بحق ہونے والوں کیلئے اللہ سے مغفرت کی دعا کرتے ہیں میری دعائیں اور ہمدردیاں پاکستانیوں کے ساتھ ہیں۔

جلال نے پاکستان کے یوم آزادی کے موقع پر بھی پاکستانیوں کے لیے خصوصی پیغام شیئر کرتے ہوئے لکھا کہ میرے پاکستانی بہن بھائیو! آپ کو یوم آزادی مبارک ہو اور شہدا پاکستان کو سلام آپ کا برادر ملک ترکی اور ترک عوام ہمیشہ آپ کے شانہ بشانہ کھڑے ہیں-

علاوہ ازیں جلال نے انسٹاگرام اسٹوری پر عبدالرحمن پشاوری کی تصویر شیئر کرتے ہوئے انہیں خراج عقیدت پیش کیا تھا-

ارطغرل کے عبدالرحمٰن الپ کا عبدالرحمن پشاوری کوخراج عقیدت

تُرک فنکاروں کی جانب سے پاکستانیوں کے لئے پیغام

تُرک اداکارکا سیلابی صورتحال سے پریشان پاکستانی عوام سے ہمدردی کا اظہار