پاکستان کرکٹ بورڈ نے قومی ٹیم کےلیےسابق اسپنر عبدالرحمان کی خدمات بطور اسپن بولنگ کوچ حاصل کر لی ہیں۔
ذرائع کے مطابق بائیں ہاتھ کے ٹیسٹ اسپنر عبدالرحمان نے ملتان میں پاکستان ٹیم کو جوائن کر لیا ہے۔ عبدالرحمان کو ٹیم کے ساتھ رکھنے کا مقصد نعمان علی،ساجد خان اور ابرار احمد سے مزید بہتر پرفارمنس لینا ہے۔اسپن وکٹوں پر یہ تینوں بولرز پاکستان کے ٹرمپ کارڈ ہوسکتے ہیں۔ پاکستان اور ویسٹ انڈیز کے درمیان پہلا ٹیسٹ 17 جنوری سے شروع ہوگا۔بائیں ہاتھ کے ٹیسٹ اسپنر عبدالرحمان جنھوں نے پاکستان کیلئے 2006 سے 2014 تک ٹیسٹ، ون ڈے اور ٹی 20 انٹرنیشنل کرکٹ میں مجموعی طور پر 140 وکٹیں حاصل کی ہیں۔ سیالکوٹ سے تعلق رکھنے والے عبدالرحمان جو اس سال یکم مارچ کو اپنی 45 ویں سالگرہ کا کیک کاٹیں گے۔ وہ اس سے قبل پاکستان خواتین ٹیم کے کوچنگ اسٹاف میں شامل تھے، قومی ٹیم کے ساتھ بحیثیت اسپن بولنگ کوچ عبدالرحمان کا یہ پہلا تجربہ ہے۔
آئی فون صارفین سے زیادہ پیسے بٹورے جانے کا انکشاف
بیرون ملک میڈیکل کالجوں میں داخلے کیلئے ایم ڈی کیٹ لازمی قرار
بیرون ملک میڈیکل کالجوں میں داخلے کیلئے ایم ڈی کیٹ لازمی قرار
