فیصل آباد: موٹروے زیادتی کیس کا مرکزی ملزم عابد ملہی گرفتار، شہباز گل نے بھی تصدیق کردی،اطلاعات کے مطابق لاہور کے نواحی علاقے گجر پورے میں موٹروے زیادتی کیس کے مرکزی ملزم عابدملہی کو فیصل آباد سے گرفتار کر لیا گیا۔ وزیراعظم کے معاون خصوصی شہباز گل نے تصدیق کر دی۔
تفصیلات کے مطابق ستمبر کے دوسرے ہفتے کے دوران لاہور کے نواحی علاقے گجر پورہ میں سیالکوٹ موٹروے کے قریب خاتون کے ساتھ اجتماعی زیادتی کی گئی تھی۔ جس کے بعد پورے ملک میں خبر جنگل میں آگ کی طرح پھیل گئی ہے۔
عابد ملہی گرفتار ہو گیا ہے۔ انشااللہ قانون کے مطابق سزا ملے گی۔
— Dr. Shahbaz GiLL (@SHABAZGIL) October 12, 2020
وزیراعلیٰ پنجاب اور آئی جی پنجاب نے پریس کانفرنس کے دوران بتایا تھا کہ ملزم کی شناخت کر لی گئی ہے۔ ملزم شیخوپورہ اور ننکانہ صاحب سمیت دیگر جگہوں پر فرار ہو گیا تھا۔
دوسری طرف فیصل آباد سے موٹروے زیادتی کیس کے مرکزی ملزم عابد ملہی کو گرفتار کر لیا گیا ہے۔ کیس کا دوسرا ملزم شفقت پہلے ہی جیل میں ہے۔عابد ملہی گرفتار ہو گیا ہے۔ انشااللہ قانون کے مطابق سزا ملے گی۔
اُدھر وزیراعظم عمران خان کے معاون خصوصی ڈاکٹر شہباز گل نے سماجی رابطے کی ویب سائٹ ٹویٹر پر ٹویٹ کرتے ہوئے لکھا کہ عابد ملہی کو گرفتار کر لیا گیا ہے، انشاء اللہ قانون کے مطابق سزا ملے گی۔
