کراچی: گٹرکا ڈھکنا کھلتے ہی گھر میں گیس بھرنے سے 2 افراد جاں بحق،اطلاعات کےمطابق تیزاب سے گیس بھرنے کے باعث ایک گھر کے دو افراد جاں بحق ہوگئے۔
پولیس کے مطابق پی ای سی ایچ ایس سوسائٹی بلاک 2 میں خالد بن ولید روڈ پر واقع ایک گھر میں گٹر لائن کی صفائی کا کام جاری تھا جہاں باتھ روم میں تیزاب ڈالا گیا تو گیس پیدا ہوئی جس کے باعث پورا گھر گیس سے بھر گیا اور دم گھٹنے سے 2 افراد جاں بحق ہوگئے۔
پولیس کا کہنا ہے کہ گھر میں گیس بھرنے سےمزید 2 افراد متاثر ہوئے جنہیں طبی امداد کے لیے اسپتال منتقل کردیا گیا ہے۔ڈائریکٹر جناح اسپتال ڈاکٹر سیمی جمالی کے مطابق یاسین اور ظہیر کی لاشیں جناح اسپتال لائی گئی ہیں جب کہ دیگر دو افراد اسپتال میں زیر علاج ہیں۔