عمران خان کیخلاف آئین شکنی پر کاروائی :بلاول نے بڑا اعلان کر دیا

پیپلز پارٹی کے چیئرمین بلاول زرداری کا کہنا تھا کہ آئین کا آج تحفظ ہوا ہے تمام ادارے جو متنازعہ ہو چکے تھے آج جمہوریت آئین کا فتح ہوا اور 2018 کا داغ کافی حد تک دھل چکا اب عدم اعتماد کی جانب بڑھیں گے جمہوریت ہی بہترین انتقام ہے اپوزیشن کا جو مقصد تھا کامیاب ہو چکا ہم عوام کی امیدوں پر پورا اتریں گے میں اور آصف زرداری شہباز شریف کو ابھی مبارکباد دینے جائیں گے کارکنان کو کہتا ہوں کہ جمہوریت کی جیت اور سیلکٹڈ راج کے خاتمے کا جشن منائیں اپنے اپنے علاقے میں افطاری رکھیں اور عوام کو جشن میں شریک کریں

بلاول زرداری کا مزید کہنا تھا کہ فیصلہ اپوزیشن یا حکومت کے حق میں نہیں آئین کے حق میں ہوا ہے پاکستان کی تاریخ میں سنہری الفاظ میں یہ فیصلہ لکھا جایے گا پاکستان کی عدالت میں آج جمہوریت کی فتح ہوئی آئین کی فتح ہوئی

ایک سوال کے جواب میں بلاول کا کہنا تھا کہ متحدہ اپوزیشن ملکر مشترکہ فیصلے کر ے گی شہباز شریف کو ملیں گے ۔عمران خان کے خلاف آئین توڑنے کے حوالہ سے کاروائی کا فیصلہ متحدہ اپوزیشن ملکر کرے گی اب ہم حکومت بنانے جا رہے ہیں اور سب پارٹیاں متحد ہیں ۔جہان تک بیرونی سازش کا سوال ہے ایسے الزامات لگتے رہے ہیں انکو رد کرتے ہیں اب شفاف الیکشن کی جانب بڑھیں گے پاکستان کی تاریخ میں ایسا پہلے نہیں ہوا کہ جمہوری طریقے سے وزیراعظم کو گھر بھیجا جائے پھر بھی جمہوری راستہ بھی اپنایا جائے گا