عدالت نے 11 سال بعد اسٹیل ملز کرپشن ریفرنس کا فیصلہ سنا دیا
کراچی: احتساب عدالت نے 11 سال بعد اسٹیل ملز میں کرپشن ریفرنس کا فیصلہ سنادیا۔ عدالت نے تمام ملزمان کو شک کا فائدہ دیتے ہوئے باعزت بری کردیا۔تفصیلات کے مطابق احتساب عدالت میں اسٹیل ملز کرپشن ریفرنس کا فیصلہ 11 سال بعد سنا دیا گیا،، عدالت نے تمام ملزمان کو شک کا فائدہ دیتے ہوئے باعزت بری کردیا۔ ملزمان میں ثمین اصغر، اصغر جمیل رضوی، چوہدری شفیق عباس، طارق ارشاد اور دیگر شامل تھے۔نیب کے مطابق ملزمان نے ٹھیکوں کی مد میں خرد برد کرکے کرپشن کی۔ ملزمان کی کرپشن کی وجہ سے اسٹیل ملز کو 13 ملین سے زیادہ کا نقصان ہوا۔ ملزمان کے خلاف ریفرنس 2012 میں بنایا گیا تھا
