راکھی ساونت کے شوہر عادل درانی جو کہ جیل سے باہر آچکے ہیں انہوں نے میڈیا کو انٹرویو دیتے ہوئے کہا ہے کہ راکھی نے جو مارنے پیٹنے کے ثبوت دئیے وہ سب جھوٹ تھے اب جو ثبوت میں دوں گا ان کو کہتے ہیں کہ ثبوت. انہوں نے کہا کہ راکھی کو فون پر کوئی گالی بھی دے دے تو وہ اگلے پندراں منٹ میں اس کو ڈھونڈ کر تھپڑ مارے گی تو کیسے ہو سکتا ہے کہ میں نے اس کے پیٹ پر لات مار کر اسکا حمل ضائع کیا ہو. عادل نے مزید یہ بھی کہا کہ میں اب اس لڑائی کو ختم نہیں کروں گا، میری قانونی ٹیم اس مسئلے کو دیکھ رہی ہے اور وہ مجھے انصاف دلا کر رہے گی.
عادل درانی نے مزید کہا کہ ”راکھی مجھ سے 19 سال بڑی ہے اس نے مجھے ٹریپ کیا میں چونکہ ایک چھوٹے شہر سے تھا اس لئے میں ٹریپ ہو گیا” میں معصوم تھا، لیکن میں راکھی کی اصلیت سب کے سامنے لا کر رہوں گا.تاکہ کوئی اور ٹریپ نہ ہو سکے. میری فیملی نے مجھے عورت کی عزت کرنا سکھایا ہے اس لئے اسکو کبھی گالی نہیں دوں گا. انہوں نے یہ بھی کہا کہ سلمان خان نے مجھے کبھی کال نہیں کی ، راکھی ایسے جھوٹ بولنے کےلئے مجھے کہتی تھی .