ایڈمنسٹریٹر کراچی لئیق احمد کا سینئر صحافی ضیاء شاہد کے انتقال پراظہارتعزیت

ایڈمنسٹریٹر کراچی لئیق احمد نے سینئر صحافی اور خبریں میڈیا گروپ کے بانی ضیاء شاہد کے انتقال پر تعزیت کا اظہار کرتے ہوئے کہا ہے کہ ضیاء شاہد کی صحافتی خدمات طویل عرصے پر محیط ہیں . وہ جدید صحافت کے علمبرداروں میں شامل رہے اور ہمیشہ مثبت اور تعمیری اقدار کے فروغ کے لئے کام کیا . خبریں میڈیا گروپ کے پلیٹ فارم سے انہوں نے اپنے اخبار اور ٹی وی چینل کے ذریعے لوگوں کے مسائل اجاگر کئے اور ان کے حل کے لئے قابل عمل تجاویز دیں . جرات مندانہ صحافت ضیاءشاہد کا طرہ امتیاز رہا ۔ عہد حاضر کے سب سے قد آور صحافی تھے ۔ صحافتی دنیا میں 50 سال انقلاب برپا کیا ۔ شعبہ صحافت میں اعلی خدمات کے اعتراف میں ضیاءشاہد کو اعلیٰ سول اعزاز ستارہ امتیاز اور لائف ٹائم اچیومنٹ ایوارڈ بھی ملا ۔ 2 بار سی پی این ای کے صدر بھی رہے ان کے انتقال سے صحافتی دنیا میں پیدا ہونے والا خلا پر ہونے میں کافی وقت لگے گا ۔ ایڈمنسٹریٹر کراچی نے دعا کی کہ اللہ تعالیٰ ضیاء شاہد کی مغفرت فرمائے اور لواحقین کو صبر جمیل عطا کرے ۔