ایڈمنسٹریٹر کراچی مرتضی وہاب کا ضلع ملیر میں جاری ترقیاتی کاموں کا دورہ
![](https://baaghitv.com/wp-content/uploads/2021/08/IMG-20210808-WA0010.jpg)
ایڈمنسٹریٹر کراچی اور ترجمان سندھ حکومت بیرسٹر مرتضی وہاب کا ضلع ملیر میں جاری ترقیاتی کاموں کا دورہ
وزیر اعلی سندھ کے معاون خصوصی سلمان عبداللہ مراد اور دیگر بھی ہمراہ
سندھ حکومت ضلع ملیر میں ایک ڈویلپمنٹ پروجیکٹ بنا رہی ہے۔اس منصوبے کے ذریعہ ضلع ملیر کو موٹر وے M9 سے منسلک کیا جائے گا۔ اس منصوبے میں جو سڑک تعمیر کی جارہی ہے اس کی لمبائی 8.8 کلومیٹر ہے۔اس منصوبے میں ایک برج بھی تعمیر کیا جارہا ہے جو ندی کے اوپر سے گزرے گا۔
اس منصوبے کی تعمیر سے یہاں کے مکینوں کو بہتر سفری سہولت میسر آئے گی۔ اس منصوبے کی تکمیل کے بعد ضلع ملیر، ملیر کینٹ، ایئر پورٹ اور شارع فیصل سے سپر ہائی کا سفر نہایت آسان ہوجائے گا۔
سندھ حکومت اس منصوبے کو ڈیڑھ سے دو ماہ میں مکمل کرلے گی۔ اس منصوبے کی تکمیل کے ذریعہ بلاول بھٹو زرداری نے کراچی کی خدمت کرنے کا جو جذبہ شروع کیا ہے اس کو آگے لے جانا ہے۔لوگوں کو ریلیف فراہم کرنا بلاول بھٹو زرداری کا مشن ہے۔
سندھ حکومت کے تحت کراچی کے مختلف علاقوں میں تعمیراتی منصوبے جاری ہیں، ان کی میں خود نگرانی کررہا ہوں۔وزیر اعلیٰ سندھ کی ٹیم کو ساتھ لے کر چل رہے ہیں۔