افغان صدر کی حلف برداری تقریب کیوں مؤخر کردی گئی، پی ٹی ایم کی لیڈر شپ کے مراسم ہوئے بے نقاب
باغی ٹی وی :پی ٹی ایم کے رہنما محسن داوڑ اور علی وزیر کے انتظار میں صدر اشرف غنی کی حلف برداری کی تقریب مؤخر کردی گئی ۔ اس سے پہلے این ڈی ایس حکام کے ہمراہ خصوصی فوجی ہیلی کاپٹر کے ذریعے لے جایا گیا. این ڈی ایس کے سربراہ ان کو لینے کے لیے خصوصی طور پر خود حاضر ہوئے .
واضح رہے کہ اس سے قبل پی ٹی ایم رہنما محسن داوڑ اورعلی وزیرعوامی نیشنل پارٹی پیپلز پارٹی اور دیگر سیاسی جماعتوں کے ہمراہ افغانستان کے منتخب صدر اشرف غنی کی تقریب حلف برداری میں شرکت کے لیے اسلام آباد ایئرپورٹ سے روانہ ہونے کے لیے پہنچے تھے۔
محسن داوڑ اور علی وزیر غیر ملکی ایئرلائن کی پرواز آر کیو 928 سے کابل جانا چاہتے تھے۔ایف آئی اے کی جانب سے جہاز سے اتارنے کے بعد دونوں رہنماء اسلام واپس روانہ ہو گئے تھے۔
واضح رہے کہ وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے کہاتھا کہ محسن داوڑ اور علی وزیر نے افغانستان جانے کیلئے اجازت نہیں مانگی، محسن داوڑ کا دعویٰ گمراہ کن اور ریاستی اداروں کو بدنام کرنے کی کوشش ہے،انہوں نے ای سی ایل سے نام نکالنے کیلئے درخواست دی تو اسے قانون کے مطابق دیکھا جائے گا۔
