افغان طالبان کو منانے کے لیے قطر میں منتوں کا دور،امریکہ کی پاکستان سے منانے کی درخواست

واشنگٹن:افغانستان میں امریکی اور نیٹو اتحادیوں کو افغان طالبان کی طرف سے سخت مزاحمت اور نقصان نے سپر پاور کو گھٹنے ٹیکنے پر مجبور کر دیا .امریکہ افغان جنگ سے جان چھڑانے کے لیے پاکستان کی منتیں کرنے پر اتر آیا.اطلاعات کے مطابق زلمے خلیل زادہ اس سلسلے میں پاکستانی حکام تک امریکہ کی درخواست پہنچا چکے ہیں. امریکہ اور افغان طالبان کے درمیان تازہ ترین مذاکرات امریکا اور طالبان کے مابین امن مذاکرات کا اگلا دور دوحہ میں کل ہفتہ کے روز سے شروع ہو ں رہے ہیں.

خبر رساں ادارے کے مطابق افغانستان میں 18 سال سے جنگ ختم کرنے کے لیے دونوں فریقین دستاویزات کو حتمی شکل دینے کے لیے پر پرامید ہیں جن میں افغانستان سے امریکی فوجیوں کا انخلا، قومی سطح پر سیزفائر اور بین الافغان بات چیت جیسے اہم نکات شامل ہیں۔ زلمے خلیل زاد نے کہا کہ قطر اور افغانستان کے حالیہ دورے کی بنیاد پر میں یقینی طور پر کہہ سکتا ہوں کہ دونوں فریقین مثبت پیشرفت کے خواہاں ہیں۔ انہوں نے تصدیق بھی کی کہ امریکا اور طالبان کے مابین مذاکرات کا اگلا دور 29 جون بروز ہفتے کو ہو گا۔

افغان طالبان کے ترجمان سہیل شاہین نے غیر ملکی خبر رساں ادارے کو بتایا کہ افغان امن عمل بتدریج جاری ہے اور بہتر سمت کی طرف بڑھ رہا ہے۔ انہوں نے امید ظاہر کی کہ اس عمل میں تیزی کا امکان اس وقت ہے جب افغان رہنما ساتھ بیٹھ کر مستقبل کے اسلامی نظام اور حکومت کی تشکیل سازی کے لیے روڈ میپ تیار کرنے کے لیے راستہ بنائیں گے۔یاد رہے کہ امریکی صدر ڈونلڈ ٹرمپ کی طرف سے وزیر اعطم عمران خان کو دورہ امریکہ کی دعوت میں افغان ایشو ہی زیر بحث آنے کا قوی امکان ہے.