امریکی صدر جوبائیڈن کا افغانستان سے مکمل انخلا کے بعد پہلا بیان سامنے آ گیا-
باغی ٹی وی : غیر ملکی میڈیا کے مطابق امریکی صدر جوبائیڈن نے کہا کہ اپنے کمانڈرز اور ان کے ماتحت کام کرنے والوں کا شکریہ ادا کرتا ہوں گزشتہ 17دنوں میں امریکی فوج نے تاریخی ہوائی آپریشن کیا، آج افغانستان میں ہماری 20 سالہ موجودگی ختم ہوگئی۔
اقوام متحدہ کی سلامتی کونسل میں افغانستان سے محفوظ انخلاء کے حق میں قرارداد منظور
امریکی صدر کا کہنا تھا کہ انخلا آپریشن کے دوران ایک لاکھ 20ہزار افراد کو افغانستان سے نکالا امریکی وزیرخارجہ کو اتحادیوں سے رابطہ کرنے کا کہا ہے، تاکہ جو افغانستان چھوڑنا چاہتے ہیں ان کے لیے محفوظ راستہ یقینی بنایا جائے گا۔
امریکی صدر جوبائیڈن کا کہنا تھا کہ بین الاقوامی برادری طالبان سے سفری آزادی کی توقع رکھتی ہے اور اقوام متحدہ کی قرارداد پر عمل درآمد یقینی بنایا جائے۔
افغانستان میں فوجی مشن ختم،سفارتی مشن شروع ،طالبان سے تعلقات امریکی مفاد پر مبنی ہوں گے امریکا
واضح رہے کہ اس سے قبل امریکی وزیر خارجہ انٹونی بلنکن نے پریس بریفنگ میں گفتگو کرتے ہوئےکہا کہ افغانستان میں فوجی مشن ختم،سفارتی مشن شروع ہو چکا ہے طالبان سے تعلقات امریکی مفاد پر مبنی ہوں گے افغانستان سے امریکی سفارتی موجودگی ختم کر کے قطر منتقل کر چکے دوحہ میں امریکی سفارت کار طالبان سے رابطہ کریں گے-
ان کا کہنا تھا کہ دہشت گردی کے سائے میں انخلا آپریشن مکمل کیا ہماری فورسز نے کابل انخلا میں اہم کردار ادا کیا۔ انخلا آپریشن میں معاونت کرنے والے ممالک کے شکر گزار ہیں، قطر اور ترکی کی کوششوں کو سراہتے ہیں۔
افغانستان نے آج مکمل آزادی حاصل کر لی ذبیح اللہ مجاہد
انٹونی بلنکن کا کہنا تھا کہ ایک لاکھ 23 ہزار سے زائد افراد کو افغانستان سے بحفاظت منتقل کیا گیا۔ افغانستان سے منتقل کیے گئے افراد میں 6 ہزار امریکی بھی شامل ہیں۔
100 سے 200 کے قریب امریکی اب بھی افغانستان میں موجود ہیں معلوم کر رہے ہیں کہ امریکی افغانستان سے نکلنا چاہتے ہیں یا نہیں۔ افغانستان سے نکلنے والے افغانوں کی معاونت کریں گے۔ ویزہ ہولڈرز کو افغانستان سے نکلنےکی اجازت دی جائے۔
طالبان نے تاریخ رقم کر دی طالبان رہنما انس حقانی
انہوں نے کہا تھا کہ ،خطے میں انسداد دہشت گردی کی صلاحیت برقرار رکھیں گے کابل ایئر پورٹ کے گیٹ پر 13 امریکیوں سمیت کئی افغان ہلاک ہوئے۔ دھماکے میں ہلاک امریکیوں کی قربانیوں کو فراموش نہیں کریں گے۔ افغانستان میں امن و امان کی صورت حال پر گہری نظر رکھیں گے،طالبان کے علاوہ دیگر اداروں کے ذریعے افغان عوام تک امداد پہنچائیں گے۔
افغانستان چھوڑنے والے آخری امریکی فوجی کی تصویر سوشل میڈیا پر وائرل
یاد رہے کہ امریکا افغانستان سے 20 سالہ طویل جنگ کے بعد انخلا مکمل کر چکا ہے۔ امریکا نے ڈیڈ لائن سے ایک دن پہلے انخلا مکمل کرلیا اورحامد کرزئی ایئر پورٹ سے آخری 3 امریکی جہاز روانہ ہوئےامریکا کے قبضے میں موجود افغانستان کا آخری علاقہ بھی طالبان کے کنٹرول میں آگیا۔ اس حوالے سے سینئر طالبان رہنما نے کہا ہے کہ ہم نے تاریخ رقم کر دی۔
