باغی ٹی وی کی رپورٹ کے مطابق بحرواقیانوس میں ٹائی ٹینک کا ملبہ دیکھنے کیلئے جانے والی آبدوز کے سیاحوں میں شامل پاکستانی شہری شہزادہ داؤد کے خاندان نے بھی اپنے پیاروں کی موت کی تصدیق کی ہے
شہزادہ داؤد اور سلیمان کی آخری رسومات کے حوالہ سے جلد بتا دیا جائے گا
سماجی رابطے کی ویب سائٹ ٹویٹر پر ایک اعلامیہ جاری کیا گیا ہے،حسین اینڈ کلثوم داؤد فیملی نے شہزادہ داؤد اور سلیمان داؤد کی وفات پر اظہار افسوس کرتے ہوئے کہا کہ ہمارے پیارے بچے اوشن گیٹ کی ٹائٹین آبدوز پر موجود تھے جو زیرِ سمندر غرقاب ہوئی ہم ٹائٹین آبدوز میں موجود دیگرمسافروں کے خاندانوں سے بھی اظہار افسوس کرتے ہیں شہزادہ داؤد اور سلیمان کی آخری رسومات کے حوالہ سے جلد بتا دیا جائے گا،دوسری جانب شہزادہ داؤد فیملی کے افراد میں شامل شہزادہ داؤد کی اہلیہ اور بیٹی ریسکیو کے مقام پر موجود رہے
سلیمان کی موت سے اسکے یونیورسٹی کے دوست بھی افسردہ
شہزادہ داؤد کی بڑی بہن عزم داؤد کا کہنا ہے کہ انکا بھتیجا سلیمان ٹائٹینک کی باقیات دیکھنے کے سفر سے خوفزدہ تھا وہ صرف فادرز ڈے پر والد کو خوش کرنے کی خاطر اس سفر میں گیا تھا،سلیمان کی موت سے اسکے یونیورسٹی کے دوست بھی افسردہ ہو گئے ہیں
آبدوز ٹائٹن میں موجود سیاحوں کے بچنے کے آثار تقریباً ختم
لاپتہ آبدوزکی کمزورسیفٹی پرماضی میں خدشات کا اظہارکیاگیا تھا،برطانوی اخبار کا انکشاف
20 سال سے جل پری کا روپ دھا رکر پانیوں میں سفر کرنےوالی خاتون
دوسری جانب امریکی اخبارنے دعویٰ کیا ہے کہ امریکی نیوی کو ٹائٹین کی تباہی کا اندازہ اتوار سے تھا اور نیوی نے زیر سمندرخفیہ نظام سے دھماکا ریکارڈ کیا تھا، یہ ریکارڈنگ سب میرین کی نقل وحرکت کی نگرانی کے نظام نے ریکارڈ کی امریکی نیوی افسر نے بتایا کہ یہ ریکارڈنگ ٹائٹین کے غائب ہونے کے قریبی علاقے سے ریکارڈ ہوئی اور ہم نے یہ معلومات کوسٹ گارڈز کو فراہم کر دی تھیں
افسوس! ہم پانچوں افراد کو ہمیشہ کیلئے کھو چکے
ٹائی ٹینک کا ملبہ دیکھنے کیلئے جانے والی بدقمست آبدوز ٹائٹن کو بنانے والی کمپنی اوشین گیٹ نے باضابطہ بیان جاری کردیا ہے جس میں کہا گیا ہے کہ افسوس! ہم پانچوں افراد کو ہمیشہ کیلئے کھو چکے ہیں۔ کمپنی اوشین گیٹ کی جانب سے جاری بیان میں کہا گیا ہے کہ اب ہمیں یقین ہے کہ ہم ہمارے سی ای او اسٹاکٹن رش، شہزادہ داؤد اور ان کے بیٹے سلیمان داؤد، ہیمش ہارڈنگ اور پال ہنری نارجیولیٹ کو کھو چکے ہیں۔ کمپنی کے بیان میں کہا گیا ہے کہ یہ تمام لوگ سچے ایکسپلورر تھے جنہوں نے مہم جوئی کا ایک الگ جذبہ اور دکھایا۔ اس المناک وقت میں ہمارے دل ان پانچوں افراد اور ان کے خاندان کے ہر فرد کے ساتھ ہیں۔ ہمیں جانی نقصان کا غم و دکھ ہے۔کمپنی کا کہنا ہے کہ یہ ہمارے ملازمین کے لیے انتہائی افسوسناک وقت ہے جو اس نقصان پر افسردہ اور غمزدہ ہیں۔ ہم احترام کے ساتھ دعا گو ہیں کہ اس انتہائی تکلیف دہ وقت میں ان خاندانوں کی رازداری کا احترام کیا جائے۔
پانچ افراد کی موت پر ترجمان دفتر خارجہ نے سماجی رابطے کی ویب سائٹ ٹویٹر پر ٹویٹ کرتے ہوئے اظہار افسوس کیا ہے ۔سینئر صحافی و اینکر پرسن مبشر لقمان نے بھی واقعہ پر افسوس کا اظہار کیا ہے
آبدوز حادثے میں قیمتی انسانی جانوں کے ضیاع پربلاول کا اظہار افسوس
سابق صدر آصف علی زرداری نے آبدوز حادثے پر اظہار افسوس کیا ہے،آصف علی زرداری نے شہزاد داؤد اور سلمان داؤد سمیت دیگر افراد کے جانبحق ہونے پر اظہار افسوس کیا،آصف علی زرداری نے شہزاد داؤد اور سلمان داؤد کے سوگوار خاندان سے ہمدردی اور تعزیت کا اظہارکیا
پی پی پی چیئرمین و وزیر خارجہ بلاول بھٹو زرداری نے ٹائٹن آبدوز حادثے میں قیمتی انسانی جانوں کے ضیاع پر اظہار رنج و غم کیا،پی پی پی چیئرمین نے حادثے میں جانبحق پاکستانی شہریوں شہزادہ داؤد اور سلیمان داؤد اور دیگر افراد کے لواحقین سے دلی تعزیت کا اظہار کیا اور کہا کہ افسوسناک حادثے پر ہر انسان دکھی ہے دعاگو ہوں، اللہ تعالیٰ مرحوم شہزادہ داؤد اور سلیمان داؤد کو جنت الفردوس اور لواحقین کو صبر جمیل عطا فرمائے چیئرمین بلاول بھٹو زرداری نے حادثے میں فوت ہونے والے دیگر افراد کی ابدی زندگی میں سکون کی دعا کی ہے
