افواج پاکستان کی قربانیوں کی بدولت ملک بھر میں ریاستی عملداری کو یقینی بنایا گیا

قومی سلامتی کمیٹی کا اعلامیہ جاری کر دیا گیا ہے

وزیراعظم شہبازشریف کی زیرصدارت بدھ کو وزیراعظم ہاؤس میں قومی سلامتی سے متعلق اہم اجلاس منعقد ہوا جس میں قومی، پارلیمانی و سیاسی قیادت، ارکان قومی اسمبلی وسینٹ اور عسکری قیادت نے شرکت کی

جاری اعلامیہ میں کہا گیا ہے کہ سیاسی وعسکری قیادت کا قومی سلامتی پر اہم اجلاس ہوا وزیراعظم شہباز شریف نے اجلاس کی صدارت کی،اجلاس میں عسکری اور سیاسی قیادت نے شرکت کی،قومی سلامتی کے ذمہ دار اداروں کی جانب سے ملکی سلامتی کی مجموعی صورتحال پر بریفنگ دی ملک کی داخلی اور خارجہ سطح پر لاحق خطرات اور ان کے تدارک کیلئے کیے جانے والے اقدامات سے آگاہ کیا ٹی ٹی پی کے ساتھ ہونے والی بات چیت کے بارے میں بھی تفصیلات سے آگاہ کیا گیا، اجلاس کو تمام پس منظر سے آگاہ کیا گیا ،

قومی سلامتی کمیٹی کے اعلامیہ میں کہا گیا ہے کہ افواج پاکستان کی بے مثال قربانیوں کی بدولت ملک بھر میں ریاستی عملداری اور معمول کی زندگی کی واپسی کو یقینی بنایا گیا ہے افغان حکومت کی سہولت کاری سے ٹی ٹی پی کےساتھ بات چیت کا عمل جاری ہے، سول اور فوجی نمائندوں پر مشتمل کمیٹی نمائندگی کرتے ہوئے آئین پاکستان کے دائرے میں بات چیت کررہی ہے۔حتمی فیصلہ آئین کی روشنی میں پارلیمنٹ کی منظوری سے ہوگا، پاکستان افغانستان میں امن اور استحکام کے لئے اپنا تعمیری کردار جاری رکھے گا،امید ہے افغانستان کی سرزمین کو پاکستان کے خلاف استعمال نہیں ہونے دیا جائے گا،

اجلاس میں قرار دیاگیا کہ دہشت گردی کے خلاف جنگ میں پاکستان کی کاوشوں اور قربانیوں کو دنیا نے تسلیم کیا۔ قوم اورافواج پاکستان کی بے مثال قربانیوں کی بدولت ملک بھر میں ریاستی عملداری ، امن کی بحالی اور معمول کی زندگی کی واپسی کو یقینی بنایاگیا ہے۔ آج پاکستان کے کسی حصے میں بھی منظم دہشت گردی کا کوئی ڈھانچہ باقی نہیں رہا

کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

پولیس پہنچی تو میاں محمود الرشید گرفتاری کے ڈر سے سٹور میں چھپ گئے

لانگ مارچ میں فیاض الحسن چوہان کتنے بندے لے کر نکلے،ویڈیو وائرل