احد رضا میر نے اپنی شہرت کی وجہ بتا دی

اداکار احد رضا میر جو حال میں نشر ہونے والے ڈرامے "عہد وفا” میں مرکزی کردار ادا کر رہے, نے پاکستان سے محبت کا اظہار کرتے ہوئے کہا کہ میری شہرت کی اصل وجہ پاکستان ہے اور مجھ میں اب اپنے وطن سے محبت کا جذبہ اس قدر بڑھ گیا ہے جو اس سے قبل کبھی نہیں تھا.

احد رضا میر نے ایک ویب سائٹ کی جانب سے پوچھے گئے سوال کے جواب میں کہا کہ ایک قوم ہوتے ہوئے بھی ہم تقسیم ہو سکتے ہیں. یہ بات عام ہے کہ ہم یہ الفاظ ہمیشہ استعمال کرتے ہیں کہ "تم یہ ہو” اور "میں یہ ہوں” لیکن جب وطن کی بات آتی ہے تو ہم پاکستانی متحد ہو جاتے ہیں۔

احد رضا میر کا کہنا تھا کہ میرے نزدیک یہ تمام باتیں بہت عجیب و غریب ہیں کیوں کہ مجھ میں وطن سے محبت کا جذبہ اس قدر بڑھ چکا ہے جو اس سے قبل کبھی نہیں تھا۔ اور یہاں یہ بات اہمیت نہیں رکھتی کہ میں کہاں جا رہا ہوں خواہ میں اپنی جائے پیدائش کینیڈا ہی کیوں نہ جا رہا ہوں میں ہر جگہ پاکستان کی نمائندگی کرنا چاہتا ہوں اور کرتا بھی ہوں اور میری شہرت کی اصل وجہ بھی یہی ہے۔