احمد علی اکبر اپنا ڈرامہ پری زاد سعودی عرب میں دکھانے پر خوش

ڈرامہ سیریل پری زاد میں اپنی صلاحیتوں کا لوہا منوانے والے احمد علی اکبر نے اپنا ڈرامہ سعودی عرب میں دکھانے پر خوشی کا اظہار کیا ہے ، انہوں‌نے کہا ہے کہ بہت اچھی بات ہے کہ پاکستان کا ڈرامہ سعودی عرب میں دکھایا جا رہا ہے. انہوں‌نے کہا کہ پاکستانی ڈرامے صرف سعودی عرب میں ہی نہیں بلکہ دیگر ممالک میں ہی دکھائے جانے چاہیں، پاکستان کو دیگر ممالک کے ساتھ معاہدے کرنے چاہیں، ہمارے ڈرامے اس قابل ہیں کہ ان کو دنیا کے کسی بھی ملک میں دکھایا جا سکتا ہے ، انہوں نے کہا کہ آج اگر سعودی عرب میں ڈرامہ دکھایا جا رہا ہے تو

کل کو اس سے پاکستانی ڈرامے کے لئے مزید راستے کھلیں گے ، جس کا فائدہ ہماری ڈرامہ انڈسٹری کو ہو گا. انہوں‌ نے کہا کہ پاکستانی ڈرامہ دنیا کے کسی بھی ڈرامے کا مقابلہ کر سکتا ہے ہمارے ہاں لکھنے والے بنانے اور کام کرنے والے سب زبردست ہیں. انہوں نے کہا کہ میں ہاشم ندیم کا شکر گزار ہوں کہ جنہوں نے ہمیں پری زاد کی صورت میں ایک اچھی کہانی دی، اور ڈائریکٹر شہزاد کشمیری کا بھی شکر گزار ہوں‌جنہوں نے مجھے پری زاد کے لئے چنا.