پرائم منسٹر نیشنل انوویشن ایوارڈ کی تقریب میں وزیر اعظم شہباز شریف نے خطاب کرتے ہوئے کہا کہ پاکستان کا مستقبل نوجوانوں کے ہاتھ میں محفوظ ہے جبکہ نوجوان اپنی محنت اور قابلیت سے عالمی مارکیٹ میں اپنا مقام بنائیں گے اور نوجوان نسل کے ہاتھوں ایک ہنر ہونا چاہئے تاکہ وہ ہر شعبہ میں اپنا نام بنا سکیں.
وزیر اعظم شہباز شریف کا مزید کہنا تھا کہ میرا ایمان ہے ، ہم ضرور اس مشکل سے بھی نکل آئیں گے کیونکہ جب خادم پنجاب تھا تو پنجاب اسکلزڈیولپمنٹ کمپنی کا آغاز کیا تھا کیونکہ صرف تقریروں اور اشعار پڑھنے سے تقدیر نہیں بدلے گی اور نہ ہی ہاتھوں بلکہ عمل سے تقدیر بدلے گی.
ان کا یہ بھی کہنا تھا کہ مجھے نوجوانوں سے مل کر خوشی ہوئی کیونکہ ان نوجوانوں نے اپنے کام میں بہترین کارکردگی دکھائی ہے اور آپ اور آپ کے والدین کو سلام پیش کرتا ہوں ، بات دس لاکھ کی نہیں کیونکہ اس کی آج کے دور میں حثیت کچھ بھی نہیں ہے، جبکہ مستقبل کیلئے ہمیں آپ نوجوانوں پر انویسٹمنٹ کرنی پڑے گی، تاکہ آپ لوگ ملک کا نام دنیا بھر میں روشن کریں کیونکہ ابھی ایک نوجوان نے بتایا کہ ہم پہلے سے اپنے پروڈکٹس عالمی سظح پر برآمد کررہے ہیں.
علاوہ ازیں وزیر اعظم شہباز شریف کا غالبا وزیر خارجہ بلاول بھٹو زرداری اور وفاقی وزیر احسن اقبال کے بیانات کے حوالے سے کہنا تھا کہ ایک دوسرے کی ٹانگیں نہ کھینچیں بلکہ اکٹھے ہوجائیں جبکہ خارجہ اور معاشی پالیسی پر ہمیں قومی معاملہ سمجھ کر ایک ہونا پڑے گا تاکہ مل جل کر مسائل کا حل تلاش کریں ناکہ ایک دوسرے کی ٹانگیں کھیچیں جبکہ اس تقریب میں وزیر اعظم شہباز شریف نے باصلاحیت نوجوانوں میں چیک اور ایوارڈ بھی تقسیم کیے ہیں.
ان کا مزید کہنا تھا ہم نےپنجاب میں میرٹ پرلاکھوں لیپ ٹاپس تقسیم کیے،میرٹ کےبغیر کسی کو لیپ ٹاپس نہیں دیاگیا،لیپ ٹاپس دینےپرالزامات لگائے مجھے اس کی پروانہیں تھی،بچوں کےہاتھ میں لیپ ٹاپ تھمارہاتھا، کلاشنکوف نہیں دےرہاتھا ، میرابس چلےتوقوم کےہرہونہار بچے کے ہاتھ میں لیپ ٹاپ ہو۔ وزیراعظم نے کہاکہ پاکستان آج شدید مالی چیلنجزکا مقابلہ کررہا ہے،ہم اس سےنکلیں گے،قوم مشکل سےنکلنےکافیصلہ کرلےتوکوئی رکاوٹ نہیں رہتی،پاکستان پرقرضوں کابوجھ ہے،یہ نہیں چاہتا کہ قرضےلینے چاہئیں،قرضوں کاصحیح استعمال کرنےوالی قومیں آگےبڑھتی ہیں، ہمیں قرضوں سےجان چھڑانی ہوگی۔
مزید یہ بھی پڑھیں؛
سعودی گاکا ایویشن سیکیورٹی وفد کا اسلام آباد انٹرنیشنل ائرپورٹ کا دورہ
مرتضیٰ وہاب کی میئر کراچی کی حیثیت سے تقرری کا نوٹیفیکیشن چیلنج
ویڈیو بیان میں کوئی اشتعال نہیں پھیلایا ،معلوم ہی نہیں کہ لوگ کہاں سے آئے،عمران خان
عمران خان کا بیانیہ غیر ملکی میڈیا کے سامنے بھی غیر مقبول
سیکرٹری دفاع کا دفاعی وفد کے ہمراہ ایران کا دورہ
شہبازشریف نے کہا کہ لوگ کہتےہیں آپ کے دورمیں پنجاب آگے بڑھ رہا تھا،اور کہتےہیں کہ وفاق میں ایک سال کےدوران کیاکیا؟قوموں کی زندگی میں مشکل وقت آتےہیں،وعدہ کریں نوجوانوں کےساتھ ملکرملک کی تقدیربدلیں گے۔ وزیراعظم نے کہا کہ بعض لوگوں نےچین کےحوالےسےبدگمانیاں پیداکیں،بعض لوگوں کے جملےکسنےسےچین ناراض ہوا،آج ہمیں چین کویقین دلاتےایک سال ہوگیاکہ وہ سب عارضی تھا،برےوقت میں ساتھ دینےوالوں کوبھلادینااللہ کوپسندنہیں،دوستوں پرالزامات سےبڑی محسن کشی اورکیاہوگی،چین سمجھ گیاپاکستان مشکل میں ہے،ہاتھ تھامناہوگا۔ شہبازشریف نے کہا کہ چین نے بغیرکسی شرط کے ہماری مدد کی جس میں 30 ارب ڈالر کی لاگت سے سی پیک شامل ہے، کسی اورکووقتی طورپرخوش کرنے کے لیے برے وقت میں ساتھ دینے والے دوستوں کو بھلادیں تویہ احسان فراموشی ہوگی۔
