ایئرہوسٹس کے سامنے فحش حرکات کرنے کے جرم میں‌ نوجوان گرفتار

بھارت میں نئی دہلی ایئر پورٹ پر جدہ سے آنے والی پرواز میں ایک نوجوان کو ایئر ہوسٹس کے سامنے نازیبا حرکات کرنے کے الزام پر گرفتار کر لیا گیا ہے.

باغی ٹی وی کی رپورٹ‌کے مطابق یہ پرواز سعودی عرب سے بھارت پہنچی اور اس میں ہندوستانی ریاست کیرالہ سے تعلق رکھنے والے نوجوان نے نازیبا حرکات کیں. مذکورہ نوجوان پر الزام ہے کہ خاتون عملہ نے اسے سگریٹ پینے سے منع کیا تو اس نے خواتین سے بدتمیزی کی اور فحش اشارے کئے. اس دوران مسافروں کی جانب سے مداخلت کرنے پر پر بھارتی نوجوان نے سگریٹ بجھائی۔

رپورٹ‌کے مطابق جدہ سے انڈیا آنے والی پرواز نئی دہلی پہنچی تو خاتون عملے نے مسافر کی شکایت ایئرپورٹ انتظامیہ سے کی جس پر سیکیورٹی اہلکاروں نے نوجوان کو حراست میں لیکر دہلی پولیس کے حوالے کردیا. یاد رہے کہ دہلی پولیس کی جانب سے چوبیس سالہ نوجوان کے خلاف مختلف دفعات کے تحت مقدمہ درج کر لیا گیا ہے.