ایسا کیا ہوا کہ وزیراعظم نے وزیراعلیٰ پنجاب سمیت اہم رہنماؤں کو اچانک طلب کر لیا؟
باغی ٹی وی کی رپورٹ کے مطابق وزیراعظم عمران خان نے تحریک انصاف کی کور کمیٹی کا اجلاس طلب کر لیا، تحریک انصاف کی کور کمیٹی کا اجلاس کل جمعہ کو ہو گا، اجلاس میں ملکی سیاسی صورتحال کا جائزہ لیا جائے گا، سابق وزیراعظم نواز شریف کو بیرون ملک علاج کے لئے بھجوانے کے حوالہ سے بھی اجلاس میں بات چیت ہو گی اور مزید مشاورت کی جائے گی.
تحریک انصاف کی کور کمیٹی کے اجلاس کے دوران مہنگائی کنٹرول سے متعلق اقدامات کا جائزہ لیا جائے گا۔ حکومتی معاشی اہداف اور ترقیاتی منصوبوں پر بھی مشاورت ہوگی، اجلاس میں مولانا فضل الرحما ن کے آزادی مارچ کے پلان بی کے حوالہ سے بھی مشاورت کی جائے گی.
اجلاس میں نواز شریف کی جانب سے ای سی ایل سے نام نکلوانے کے لئے عدالت میں دائر درخواست اور متوقع عدالتی فیصلے پر بھی مشاورت کی جائے گی. اجلاس میں تحریک انصاف کے مرکزی رہنما شریک ہوں گے، وزیراعلیٰ پنجاب عثمان بزدار کو بھی اسلام آباد اجلاس کے لئے بلا لیا گیا ہے وہ بھی تحریک انصاف کور کمیٹی اجلاس میں شریک ہوں گے
سابق وزیراعظم نواز شریف کو علاج کے لئے بیرون ملک جانے کے حوالہ سے وزارت داخلہ نے نوٹفکیشن جاری کر دیا ہے.وزارت داخلہ کی جانب سے جاری نوٹی فیکیشن کے متن میں کہا گیا ہے کہ وفاقی حکومت کی جانب سے فیصلہ کیا گیا ہے کہ محمد نواز شریف کو طبی بنیادوں پر بیرون ملک علاج کیلئے ایک مرتبہ 4 ہفتوں کیلئے اجازت دیدی جائے۔
نواز شریف ضمانت پر ہیں، حکومت کس چیز کی ضمانت مانگ رہی ہے؟ ن لیگ
نواز شریف کے ساتھ کتنے میں ڈیل ہوئی؟ مریم نواز کو جانے دیا جائیگا یا نہیں؟ شیخ رشید نے بتا دیا
نواز شریف کی طبیعت کیسی؟ کہاں سے علاج کروانا چاہتے ہیں، مریم نے اظہار کر دیا
نوٹی فیکیشن میں نواز شریف کی بیرون ملک علاج کیلئے جانے کو اینڈیمنٹی بانڈ سے مشروط کیا گیا ہے۔ ضمانتی مچلکے نواز شریف یا شہباز شریف کی جانب سے ایڈیشنل سیکرٹری وزارت داخلہ کے پاس جمع کرانے ہونگے۔ نواز شریف کے بیرون ملک جانے کے لیے 8 ملین برطانوی پاؤنڈز، 25 ملین امریکی ڈالرز اور 1.5 ارب روپے کے ضمانتی بانڈز جمع کرانے کا کہا گیا ہے۔
سیاسی تاوان کی شرط ہرگز منظور نہیں، شہباز شریف کا اعلان
واضح رہے کہ نواز شریف نیب کے پاس جسمانی ریمانڈ پر تھے جب ان کی طبیعت خراب ہوئی اور سروسز ہسپتال منتقل کیا گیا، بعد ازاں لاہورہائیکورٹ نے نواز شریف کی چوھدری شوگر ملز کیس میں ضمانت منظور کی، اسلام آباد ہائیکورٹ نے نواز شریف کی العزیزیہ ریفرنس کیس میں سزا آٹھ ہفتوں کے لئے معطل کی، نواز شریف سروسز سے گھر منتقل ہو چکے ہیں جہاں ان کا علاج جاری ہے،
