ایسے بھی وزیر ہیں جو دفتر سے زیادہ اسلام آباد کی کوہسار مارکیٹ میں بیٹھتے ہیں،وزیراعظم

ایسے بھی وزیر ہیں جو دفتر سے زیادہ اسلام آباد کی کوہسار مارکیٹ میں بیٹھتے ہیں،وزیراعظم
باغی ٹی وی کی رپورٹ کے مطابق وزیراعظم عمران خان سے پی ٹی آئی سوشل میڈیا ارکان کی ملاقات ہوئی ہے، ملاقات میں سوشل میڈیا پر منفی خبروں کے حوالہ سے بھی بات چیت ہوئی

اس موقع پر وزیراعظم عمران خان کا کہنا تھا کہ صبح موبائل دیکھتا ہوں تو پتا چل جاتا ہے آج کس بحران کا مقابلہ کرنا پڑے گا،ہر وقت بحرانوں کے لئے تیار رہتا ہوں،اپوزیشن کچھ نہ کرے تو کوئی وزیر ایسا بیان دے دیتا ہے کہ اس کو سنبھالنا مشکل ہو جاتا ہے، ایسے بھی وزیر ہیں جو دفتر سے زیادہ اسلام آباد کی کوہسار مارکیٹ میں بیٹھتےہیں،

کپتان ہو تو ایسا،اپوزیشن کی سازشوں کے باوجود وزیراعظم عمران خان کو ملی اہم ترین کامیابیاں

وزیراعظم اور ترک صدر کی ملاقات، کیا بات چیت ہوئی؟ اہم خبر

ترک صدر کے پہنچنے سے قبل پارلیمنٹ میں ایسا کیا کام کیا گیا کہ وزیراعظم بھی حیران رہ گئے

وزیراعظم عمران خان نے مزید کہا کہ حکومت کے خلاف جان بوجھ کر جھوٹی خبریں پھیلائی جاتی ہیں،سوشل میڈیا پر مثبت تنقید بالکل ہونی چاہیے، مشکل سال گزار لیا، اب استحکام آئے گا، مہنگائی میں کمی لانے کی پوری کوشش کر رہے ہیں، غریب عوام کے لئے احساس پروگرام شروع کیا ہے، غریب عوام کو یوٹیلٹی سٹور سے کم قیمت پر راشن ملے گا، سوشل میڈیا ٹیم حکومت کے اچھے منصوبوں کو عوام کے سامنے لائے.

وزیراعظم عمران خان کا مزید کہنا تھا کہ آٹا چینی بحران کی رپورٹ پبلک کی جائے گی اور ذمہ داروں کے خلاف کاروائی ہو گی،

تحریک انصاف کی سوشل میڈیا ٹیم نے وزیراعظم عمران خان کی جانب سے کشمیر کا کیس شاندار انداز میں لڑنے، بھارتی انسانی حقوق کی خلاف ورزیوں کو اجاگر کرنے، امت مسلمہ کے اتحاد ، افغان طالبان امریکہ امن معاہدے میں اہم کردار ادا کرنے پر خراج تحسین پیش کیا