بالی وڈ اداکارہ ایشوریا رائے جن کے حسن کے چرچے ایک زمانے میں بہت زیادہ تھے ، مس ورلڈ کا خطاب پانے والی اس اداکارہ کے کریڈٹ پر بہت ساری سپر ہٹ فلمیں ہیں. ہم دل دے چکے صنم بھی انہی میں سے ایک ہے. ہم دل دے چکے صنم سنجے لیلا بھنسالی نے ڈائریکٹ کی تھی ، یہ فلم اپنے وقتوں میں سپر ہٹ ہوئی ، ایشورایا رائے کے ساتھ اس میں مرکزی کردار سلمان خان نے ادا کیا تھا. ایشوریا رائے نے حال ہی میںسنجے لیلا بھنسالی کا شکریہ ادا کرتے ہوئے کہا ہے کہ میں آپ کی شکر گزار ہوں سنجے کہ آپ نے میری صلاحیتوں پر اعتبار کرتے ہوئے مجھے
فلم ہم دل دے چکے صنم میں کام دیا. اس میں میرا کردار نندنی کا تھا جوکہ آج بھی لوگوں کے دلوں میں زندہ ہے. مجھے خوشی ہے کہ 24 سال کے بعد ایک بارپھر میں نندنی بننے جا رہی ہوں. ایشوریا رائے بچن نے اپنی نئی تامل فلم کے فلم میکر مانی گروو کا بھی لگے ہاتھ شکریہ ادا کیا ،انہوں نے کہا کہ مجھے 23 برس بعد نندنی کے کردار کو ایک بار پھر فلم پونین سالون میں ادا کرنے کا موقع ملا ہے۔ واضح رہے ایشوریا کی نئی تامل فلم 28 اپریل سے نمائش کے لیے پیش کی جارہی ہے۔
