لاہور: ایشیا کپ میں قومی ٹیم کا فائنل سے پہلے سری لنکا کیخلاف سپر فور راونڈ مقابلہ، آج کے میچ میں قومی کرکٹ ٹیم میں ایک دو تبدیلیوں کا امکان ہے-
باغی ٹی وی: ذرائع کے مطابق فاسٹ باولر حسن علی اور لیگ سپنر عثمان قادر کو آزمایا جاسکتا ہے،نائب کپتان شاداب خان اور محمد حسنین کو آرام دیا جائے گا جبکہ متبادل وکٹ کیپر نہ ہونے کے باعث محمد رضوان بھی آرام نہیں کریں گے-
سپر فور مرحلہ:آخری میچ میں آج پاکستان اور سری لنکا مد مقابل
واضح رہے کہ متحدہ عرب امارات میں کھیلے جانے والے ایشیا کپ ٹی ٹوئنٹی کے سپر فور مرحلے کے آخری میچ میں آج پاکستان اور سری لنکا مد مقابل ہوں گی، دبئی میں کھیلا جانےوالا میچ پاکستانی وقت کے مطابق شام 7 بجے شروع ہوگا-
پاکستان اور سری لنکا، بھارت، افغانستان، بنگلا دیشن اور ہانک کانگ کی ٹیموں کو ٹورنامنٹ سے باہر کر کے فائنل تک پہنچی ہیں،پاکستان اور سری لنکا کے درمیان 11 ستمبر کو ایشیا کپ کا فائنل کھیلا جائے گا۔
ہ گزشتہ رات کے میچ میں ایشیا کپ ٹی ٹوئنٹی ٹورنامنٹ کے سپر فور مرحلے میں بھارت نے اپنے آخری میچ میں افغانستان کو باآسانی 101 رنز سے شکست دے دی تھی افغانستان کی جانب سے ابراہیم زادران 64 رنز بنا کر نمایاں رہے جب کہ ان کے علاوہ راشد خان نے 15 اور مجیب الرحمان نے 18 رنز بنائے۔
بھارت کی جانب سے بھوونیشور کمار نے 4 اوورز میں صرف 4 رنز دے کر 5 کھلاڑیوں کو آؤٹ کیا، ویرات کوہلی نے شاندار سنچری بنائی ہے۔ انہوں نے 122 اور کے ایل راہول نے 62 رنز بنائے تھے سریا کمار یادیو صرف 6 رنز بنا کر آؤٹ ہوئے جب کہ افغانستان کی جانب سے فرید خان نے دو وکٹیں حاصل کی ہیں۔
