سینیٹ کی قائمہ کمیٹی برائے مذہبی امور اور بین المذاہب ہم آہنگی کا اجلاس چیئرمین کمیٹی سینیٹر مولانا عبدالغفور حیدری کی زیر صدارت پارلیمنٹ ہاؤس میں منعقد ہوا۔
کمیٹی نے ”قرآن پاک کی اشاعت (چھپائی اور ریکارڈنگ کی غلطیوں کا خاتمہ) ترمیمی بل 2022“ پر تفصیلی غور کیا۔ کمیٹی کو بریفنگ میں بتایا گیا کہ بل کا بنیادی مقصد قرآن پاک کی معیاری طباعت واشاعت اور قرآن پاک کی اغلاط سے پاک اشاعت کو یقینی بنانا ہے اور اس کے ساتھ ساتھ شہید اوراق کو مناسب طریقے سے محفوظ کرنا اور قرآن پاک کی چھپائی غیر معیار ی کاغذ پر روکنا ہے۔ چیئرمین کمیٹی مولانا عبدالغفور حیدری نے کہا کہ اخبارات اور دیگر پوسٹرز پر بھی قرآنی آیات لکھی جاتی ہے اور جنھیں استعمال کے بعد مناسب طریقے سے محفوظ نہیں کیا جاتا جو کہ قرآن پاک کی بے حرمتی کا سبب بنتا ہے لہٰذا اس قانون میں اس مسئلے کا بھی تدارک کیا جائے اور اخبارات میں قرآنی آیات کی اشاعت پر پابندی لگائی جائے اور آیات کی جگہ ان کا مفہوم لکھا جائے اور اس حوالے سے صوبائی حکومتوں کو بھی ہدایت دی جائے۔ چیئرمین کمیٹی نے یہ بھی ہدایت دی کہ کمیٹی کی یہ سفارشات 31 مارچ 2023 سے پہلے اس بل میں شامل کر کے کمیٹی کے سامنے پیش کی جائے۔
مزید برآں کمیٹی نے قرآن پاک کی اشاعت میں معیاری کاغذ کے استعمال پر زور دیا۔ سیکرٹری وزارت مذہبی امور اور بین المذیب ہم آہنگی نے کمیٹی کو بتایا کہ اس حوالے سے قانون پہلے سے موجود ہے جو واضع طور پر یہ کہتا ہے کہ قرآنی اوراق کا وزن 52 گرام سے کم نہیں ہونا چاہیئے اور اس کی خلاف ورزی کرنے والوں کے لیے سزا اور جرمانے بھی واضح ہیں۔
اس سے تو یہ ثابت ہوا کہ پلی بارگین کے بعد بھی ملزم کا اعتراف جرم تصور نہیں ہو گا،چیف جسٹس
، 25 کروڑ آبادی میں سے عمران خان ہی نیب ترامیم سے متاثر کیوں ہوئے؟
، نیب ترامیم کیس گزشتہ سال جولائی میں شروع ہوا اس کیس کو ختم ہونے میں وقت لگے گا،
کمیٹی کو 2023 کی حج پالیسی کے بارے میں بھی آگاہ کیا گیا۔ وزارت مذہبی امور اور بین المذیب ہم آہنگی کے حکام نے کمیٹی کو بتایا کہ 2023 کے لیے پاکستان کے لیے مختص حج کوٹہ 179210 ہے جسے سرکاری اور پرائیوٹ حج سکیموں کے درمیان 50/50 کے تناسب سے تقسیم کیا گیا ہے۔ انہوں نے بتایا کہ اس کوٹہ میں 3 فیصد نشستیں ان خاندانوں کے لیے ہے جو مالی طور پر بد حال ہیں جبکہ 300 نشستیں کم تنخواہ والے ملازمین اور 1225 نشستیں مسلح افواج کے لیے ہیں۔ انہوں نے مزید کہا کہ رواں سال حج کوٹہ کی نشستیں گذشتہ سال کی نسبتاً زیادہ ہیں اور اس کے ساتھ ساتھ حج آرگنائز رز کے ساتھ سروس پرووائیڈر کے معاہدے کیے گئے ہیں جن کا مقصد حجاج کی سہولت کو یقینی بنانا ہے۔ سینیٹر بہرامند خان تنگی نے کہا کہ ایسے لوگوں پر پابندی عہد کرنی چاہیئے جو گذشتہ 8،10 سال سے مسلسل حج کے فرائض سرانجام دے رہے ہیں۔ جس پر سینیٹر مولانا عبدالغفور حیدری نے کہا کے اس طرح کی پابندی غیر فطری اور بنیادی انسانی اصولوں کے خلاف ہے۔
