ایل این جی اور ایل این جی ٹرمینل کی آڑ میں تعمیر کیا گیا گورکھ دھندہ ، وزیربحری امور علی زیدی نے حقائق قوم کے سامنے بے نقاب کردیے
باغی ٹی وی : ایل این جی اور ایل این جی ٹرمینل کی آڑ میں تعمیر کیا گیا گورکھ دھندہ ، وزیربحری امور علی زیدی نے حقائق قوم کے سامنے بے نقاب کردیے
علی زیدی نے کہا ہے کہ وقت آگیا ہے کہ ایل این جی اور ایل این جی ٹرمینل کے حوالے سے حقائق سے آگاہی حاصل کریں،
مفتاح اسماعیل نے خود پنڈورہ باکس کھول لیا ہے،پہلی حقیقت یہ ہے کہ نون لیگ کی حکومت میں قائم کیا گیا ٹرمینل سستا ترین نہیں ہے،
سچ تو یہ ہے کہ نون لیگ کی جانب سے قائم کیا گیا یہ ٹرمینل دنیا بھر کے مہنگے ترین ٹرمینلز میں سے ایک ہے، عالمی شہرت یافتہ کنسلٹنٹس ووڈمیکینزی کے جاری کردہ جدول کے مطابق درجنوں ٹرمینلز ان 2 نون لیگی ٹرمینلز سے سستے ہیں،
اپنی کرپٹ قیادت کیطرح مفتاح بھی کھلے عام غلط بیانی کرتے ہوئے پکڑے گئے ہیں،مفتاح کا دعویٰ ہے کہ ٹرمینلز پر ٹیرف گارنٹی شدہ ہے،
اوگرا کے اعدادوشمار مفتاح کے دعوے کو مکمل غلط ثابت کررہے ہیں، مفتاح بتائیں کہ ہم ٹرمینل استعمال کریں یا نا کریں کیا ہمیں آپریٹرز کو کیپیسٹی واجبات ادا کرنے ہیں یا نہیں، کیا مفتاح بتائیں گے کہ پی ایل ٹی ایل کے اس وقت کے سربراہ اعظم صوفی کو استعفیٰ پر کیوں مجبور کیا گیا، حقیقت یہی ہے کہ اعظم صوفی نے مفتاح اور انکے باس شاہد خاقان عباسی کے غیرقانونی احکامات کے نتیجے میں ہونے والے نقصانات سے صرف نظر کرنے سے ٹھیک انکار کیا تھا،
آخر میں مفتاح اسماعیل "ایک داماد” کی وزارت پٹرولیم کے حکام سے ملاقاتوں کا بھی قوم کو بتائیں، کیا ان "داماد” صاحب نے نون لیگی حکومت سے پی جی پی سی ایل پر تقریباً 50 ملین ڈالرز کے ایل ڈی چارجز معاف کروانے کیلئے یہ سرگرمی نہیں دکھائی،
