علی ظفر نے میوزک انڈسٹری میں 20 برس مکمل ہونے کا جشن کیوں نہیں‌ منایا ؟‌

گلوکار علی ظفر جو کہ ایک بہترین اداکار بھی مانے جاتے ہیں ، ان کا پہلا شوق میوزک ہے، علی ظفرکو میوزک انڈسٹری میں بیس برس مکمل ہو گئے ہیں اور اس موقع کو انہوں نے منانے کی بجائے صرف سوشل میڈیا پر اپنے پہلے البم حقہ پانی سے چل دل میرے کا نیا ورژن جاری کیا اور ایک لمبی چوڑی پوسٹ لکھی. انہوں نے کہا کہ میں بہت خوش ہوں کہ میں نے ایک طویل سفر طے کیا ہے اس دوران مجھے میرے مداحوں نے خوب پذیرائی دی. علی ظفر نے لکھا کہ میں میوزک انڈسٹری میں اپنے بیس سال مکمل ہونے پر کسی قسم کا جشن نہیں منائوں گا کہ کیونکہ ملک کی جو سیاسی صورتحال ہے اس پر دل بہت پریشان ہیں میرے پاس تو وہ الفاظ ہی نہیں ہیں جو میرے دکھ کو

بیان کر سکیں. انہوں نے کہا کہ خدا ہمارے ملک کی حفاظت فرمائیں. یاد رہے کہ علی ظفر پاکستان کے وہ گلوکار ہیں جنہوں نے بطور اداکار بھارت میں اپنی پہچان بنائی، ان کی بالی وڈ کے بہت سارے سٹارز کے ساتھ دوستی ہے.علی ظفر سوشل میڈیا پر کافی متحرک رہتے ہیں اور اپنے مداحوں کے ساتھ بات چیت کرتے رہتے ہیں.