علی ظفر کے بھائی دانیال ظفر کے پہلے گانے نے ایک دن میں دس لاکھ ویوز کے ساتھ کئی ریکارڈ توڑ دیے

گلوکار علی ظفر کے چھوٹے بھائی دانیال ظفر کے پہلے گانے’ ایک اور ایک دو تین‘ نے ریلیز کے پہلے ہی دن 1 ملین سے زائد ویووز کے ساتھ انٹرنیٹ پر دھوم مچادی ہے۔

معروف بین الاقوامی گلوکار علی ظفر کے بھائی دانیال ظفر نے بھی بھائی سے متاثر ہو کر پہلی ہی میوزک ویڈیو "ایک اور ایک دو تین” کے ذریعے کامیابی کے کئی ریکارڈ اپنے نام کر لئے۔ 5 منٹ اور 11 سیکنڈ کی گانے کی ویڈیو کو محض 1 دن میں دس لاکھ سے زائد ویوز حاصل کر چکا ہے جس کے بعد ان کا گانا موسیقی کے شعبے میں ہمیشہ نمایاں رہنے والے گانوں کی فہرست میں شامل ہوگیا ہے.

"ایک اور ایک دو تین” گانے کی ویڈیو معروف ہدایت کار عبداللہ کی زیر نگرانی میں بنایا گیا اور دانیال ظفر نے نہ صرف گانا گایا ہے بلکہ اس کی دھن بھی خود بنائی اور ویڈیو میں ہانیہ عامر کے ہمراہ نمایاں کردار بھی ادا کیا ہے۔ یو ٹیوب کے ذریعے دنیا بھر میں اس گیت کو پسند کرنے والوں کا کہنا ہے کہ گانے کی موسیقی اور شاعری کے ساتھ ویڈیو بھی بہت منفرد ہے اور نئی نسل بھی اسی لئے اس گانے کو دیکھ کر اپنی رائے دے رہی ہے۔

یاد رہے موسیقی کی دنیا میں دانیال ظفر کی آمد کسی تہلکے سے کم نہیں ۔ دانیال نے ایکسپریس سے گفتگو کرتے ہوئے کہا کہ اس گانے کے ذریعے قوالی اور مغربی سازوں کا فیوژن بہت الگ ہے۔ دوسری جانب ایک اور ایک تین کو دنیا بھر سے ملنے والا رد عمل بھی سب کے سامنے ہے۔ میں اس پر بے حد خوش ہوں۔

جواب چھوڑیں

آپ کا ای میل ایڈریس شائع نہیں کیا جائے گا.