الجزیرہ ٹی وی نے بھی بھارتی جھوٹ کا پردہ چاک کر دیا
الجزیرہ ٹی وی کی ایک رپورٹ کے مطابق گزشتہ روز کشمیرمیں شہید ہونے والا نوجوان اسرار احمد بھارتی فورسزکی پیلٹ گن کا نشانہ بنا۔ اسرار گیارہویں جماعت کا طالب علم تھا۔ اسرار کے سرکے ایکسرے میں متعدد چھرے لگنے کے نشانات واضح ہیں۔
مقبوضہ کشمیر، پیلٹ گن کے چھروں سے زخمی نوجوان شہید ہو گیا، کشمیریوں کا شدید احتجاج
الجزیرہ کے مطابق اسرارکی شہادت کی خبر سنتے ہی سری نگر میں نوجوان سڑکوں پرنکل آئے۔ کشمیری نوجوانوں نے بھارتی فوج پرپتھراو کیا جس سے صورتحال کشیدہ ہوگئی۔ احتجاج کے باعث بھارتی فوج نےکرفیواوردیگر پابندیوں میں مزید سختی کردی۔ بھارتی فوج نے اسراراحمدکےگھر تک جانے والی سڑک رکاوٹیں لگا کربند کردی۔
الجزیرہ ٹی وی سے گفتگو کرتے ہوئے اسرار احمد کے والد نے کہا کہ بھارتی فوج نے بغیر کسی وجہ اسراراحمد کو نشانہ بنایا۔ بھارتی فوج نے اسرار احمد پرپیلٹ گن سے فائرنگ کی۔
یاد رہے کہ بھارتی فورسز نے نوجوان اسراراحمد کے زخمی ہونے کی وجہ پتھر لگنا قراردیا تھا۔
واضح رہے کہ چھ اگست کو سری نگر کے صورہ علاقہ میں احتجاجی مظاہرہ کے دوران کشمیری نوجوان اسرار احمد بری طرح زخمی ہو گیا تھا۔ پیلٹ گن کے چھرے لگنے سے اس کے چہرے اور سینوں پر گہرے زخم آئے تھے اور اسے شیر کشمیر انسٹی ٹیوٹ آف میڈیکل سائنسز میں داخل کروایا گیا تھا۔
